ءمينيستردىڭ ايتۋىنشا, ەلوردادا ىندەتتى جۇقتىرۋشىلار سايابىرلاپ, ەپيدەميولوگيالىق جاعداي تۇراقتالىپ كەلەدى. دەگەنمەن, سوڭعى اپتادا قازاقستاندا اۋرۋ جۇقتىرعانداردىڭ سانى 10 پايىزعا ارتقان.
قاسىم-جومارت توقاەۆقا 1 تامىزدان باستاپ ەلىمىزدە ىندەتتىڭ تارالۋ يندەكسى 1,11-دەن 1,01-گە دەيىن ازايىپ, 9 پايىزدى قۇراعانى جونىندە اقپارات بەرىلدى. الەكسەي تسوي نۇر-سۇلتان قالاسىندا كوروناۆيرۋستىڭ تارالۋ يندەكسى 1 بىرلىكتەن تومەندەگەنىن, الماتىدا 19 پايىزعا ازايعانىن جەتكىزدى.
بۇگىنگى تاڭدا ايماقتارداعى 328 مەديتسينا نىسانىندا 55 658 ناۋقاس ەمدەلىپ جاتىر. رەسپۋبليكا بويىنشا اۋرۋحانالارداعى توسەك-ورىنداردىڭ - 54 پايىزىندا, جانساقتاۋ بولىمدەرىنىڭ 45 پايىزىندا ناۋقاستار ەم قابىلداۋدا.
الەكسەي تسويدىڭ ايتۋىنشا, قازىرگى تاڭدا 5,9 ميلليون ادامعا كوروناۆيرۋسقا قارسى ۆاكتسينانىڭ ءبىرىنشى كومپونەنتى سالىنىپ, ەكپە الاتىن تۇرعىنداردىڭ 59 پايىزىن قۇراعان. 4,5 ميلليون ادامعا ەكپەنىڭ ەكىنشى كومپونەنتى سالىنىپ, ەكپە سالىناتىن تۇرعىنداردىڭ 45,2 پايىزى قامتىلعان.
