ايماقتار • 05 تامىز، 2021

اتىراۋ وبلىسىنداعى تۇزدى كولگە بارۋعا تىيىم سالىندى

2767 رەت كورسەتىلدى

يندەر اۋدانىندا جۇرت كوپ باراتىن تۇزدى كول مەن جاساندى كارەرلەر بار. ەندى وعان بارۋعا تىيىم سالىندى، دەپ حابارلايدى Egemen.kz

كولگە جەتۋ ءۇشىن اۋدان ورتالىعى – يندەربور كەنتىنەن 12، ال، «يندەر-قاراباۋ» تاس جولىنان 1،5 شاقىرىم جول ءجۇرۋ قاجەت. مامانداردىڭ ايتۋىنا قاراعاندا، بۇل كول جىل سايىن جەر استى سۋلارىمەن اعىپ كەلەتىن 1،5 ملن توننا تۇزدى ەرىتىندىمەن تولىعادى. سۋ قۇرامىندا 22 ءتۇرلى حيميالىق ەلەمەنت بارى ناقتىلانعان. كولدىڭ تەرەڭدى 50 مەتردەن كەم ەمەس. ال جالپى اۋماعى 110،5 شارشى شاقىرىمدى، ۇزىندىعى 40 كيلومەتردى قۇرايدى.

«يندەر اۋدانىنىڭ باس مەملەكەتتىك سانيتاريالىق دارىگەرىنىڭ قاۋلىسىنا سايكەس، دەمالۋشىلاردىڭ شامادان تىس جينالۋىنا بايلانىستى 28 شىلدەدە تۇزدى كولگە، سونداي-اق جاساندى كارەرلەرگە بارۋعا تىيىم سالىنعان بولاتىن. قازىر اۋداندا ەپيدەميولوگيالىق احۋال كۇردەلەنىپ وتىر. سوندىقتان، 3 تامىزدان باستاپ اتالعان جەرلەر جابىلىپ، اۋداندىق پوليتسيا ءبولىمى مەن موبيلدىك توپ مۇشەلەرى تۇراقتى تۇردە رەيد جۇرگىزەدى»، دەپ حابارلادى اۋداندىق اكىمدىكتەن.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار