ءبىلىم • 05 تامىز، 2021

تەگىن كۋرس كومپيۋتەرلىك داعدىنى دامىتادى

22 رەت كورسەتىلدى

«پاندەميا ساباقتارى» ءبىراز ماسەلەنىڭ بەتىن اشىپ بەرگەندەي. كارانتيننىڭ كەزىندە كوپ پەداگوگ قاشىقتان وقىتۋعا دايىن بولمادى. كومپيۋتەرلىك داعدىلاردى يگەرمەگەننىڭ كەسىرىنەن قيىندىقتار تۋدى. وسىعان وراي ءبىلىم بەرەتىن قاۋىمعا جاڭا كۋرس تەگىن وقىتىلا باستادى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ايتىلدى.

شىلدەنىڭ 2-سىنەن باستالعان «پەداگوگ­تەردىڭ تسيفرلى قۇزىرەتتىلىگىن دامىتۋ» ونلاين-كۋرسى my.edu.kz پلاتفورماسىندا اسينحروندى رەجىمدە ءوتىپ جاتىر. كۋرس مەكتەپ، كوللەدج پەداگوگتەرىنە، سونداي-اق پەداگوگيكالىق جوعارى وقۋ ورىندارى مەن كوللەدج ستۋدەنتتەرىنە ارنالعان. پەداگوگتەرگە ارنالعان تەگىن تسيفرلى كۋرس­تاردى «ورلەۋ» بىلىكتىلىكتى ارتتىرۋدىڭ ۇلتتىق ورتالىعى ازىرلەپ شىقتى.

«ورلەۋ» بىلىكتىلىكتى ارتتىرۋدىڭ ۇلت­تىق ورتا­لىعىنىڭ باسقارما توراعاسى اسەل مۇحا­مەت­جانوۆا الدىمەن ورتالىقتىڭ تاريحى مەن قازىرگى الەۋەتىنە از-كەم توقتالدى.

– «ورلەۋ» بىلىكتىلىكتى ارتتىرۋ ۇلت­تىق ورتالىعى 2012 جىلى پەداگوگتەردىڭ بىلىك­تىلىگىن ارتتىرۋ ماقساتىندا قۇرىل­دى.
9 جىل ىشىندە «ورلەۋ» ورتالىعىندا
623 482 پە­داگوگ وقىتۋدان ءوتتى. «ورلەۋ» وڭىر­­­لەر­دەگى فيليالدار جەلىسى ارقىلى پە­دا­­گوگ­تەردىڭ ۇزدىكسىز كاسىبي دامۋىن قام­تا­­ماسىز ەتەدى. بارلىعى رەسپۋب­ليكا بويىن­شا 17 پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتى جۇمىس ىستەيدى. فيليالدار، ءوز كەزەگىندە، 572 بازا­لىق ورتا ءبىلىم بەرۋ ۇيىمدارىمەن ىنتى­ماقتاستىق ورناتقان. «ورلەۋ» ورتالىعى 25 شەتەلدىك جوعارى وقۋ ورىندارىمەن، ورتالىقتارمەن جانە حالىقارالىق ۇيىم­دارمەن بىرلەسكەن جوبالاردى جۇزە­گە اسىرادى. ورتالىقتىڭ 300-دەن اسا قىز­مەتكەرى ۇلىبريتانيا، فرانتسيا، اۋسترا­ليا، وڭتۇستىك كورەيا، سينگاپۋر، اقش، پورتۋگاليا، يسپانيادا ءبىلىم العان، – دەدى ءا.مۇحامەتجانوۆا.

وسىدان سوڭ ورتالىق باسشىسى جاڭا باستالعان كۋرسقا قاتىستى اقپاراتقا كەزەك بەردى. ونىڭ ايتۋىنشا، كۋرستىڭ وقۋ جىلى باستالار الدىندا وتكىزىلۋى كەزدەيسوق ەمەس. وسى كۋرستى ازىرلەمەس بۇرىن، 2020 جىلدىڭ قاراشا ايىندا جۇرگىزىلگەن مونيتورينگ مالىمەتتەرى زەرتتەلگەن. ساۋالداما رەسپۋبليكانىڭ 7 مىڭعا جۋىق اۋىلدىق جانە قالالىق مەكتەبىنىڭ 300 مىڭنان اسا پەداگوگىن قامتىدى. ناتيجەسىندە، اۋىل­داعى ءار ءتورتىنشى، قالاداعى ءار بەسىنشى مۇ­عالىم اقپاراتتىق-كوممۋنيكاتسيالىق تەح­نو­لوگيالار (اكت) قۇزىرەتىنىڭ دەڭگەيىن ارت­­تىرۋدى قاجەت ەتەتىنى بەلگىلى بولدى.

– «ورلەۋ» ورتالىعى كۋرس اۆتورلارى­مەن بىرلەسىپ مۇعالىمدەر مەن بولاشاق مۇعالىمدەر باعدارلامانى بىتىرگەننەن كەيىن ساباقتى جوبالاپ، ونىڭ نىساندارىن، ادىستەرى مەن مازمۇنىن، اكت نەگى­زىندە باعالاۋدى تاڭدايتىنداي ەتىپ ازىر­لەدى. كۋرستىڭ ىشىندە ۆيدەو-پەداگوگيكا تاقىرىبى بار. ونى ەۋروپالىق ءبىلىم بەرۋ قورىنىڭ ساراپشىلارى جاسادى. ىڭعاي­لى بولۋ ءۇشىن پورتالدا قازاق جانە ورىس تىلدەرىندە بەينەپەداگوگيكا بويىنشا نۇسقاۋلىق ورنالاستىرىلعان. Microsoft، Bilim Media Group، Kundelik وزدەرىنىڭ پايدالى رەسۋرستارى تۋرالى بەينە دارىستەر دايىندادى. ءبىز ۇلتتىق ءبىلىم بەرۋ دەرەك­تەر بازاسىن پايدالانۋ بويىنشا تانىس­تىرۋ جانە وقىتۋ روليكتەرىن قوستىق. مۇ­عالىمدەر مەن ستۋدەنتتەر edu.kz پلاتفور­ماسىندا اسينحروندى ءبىلىم الا الادى، ياعني ءوز قارقىنىمەن وتۋگە ارنالعان، سەبەبى بار­لىق مودۋل جازىلعان. ءسىز كەز كەلگەن ۋاقىتتا جاتتىعۋدى توقتاتىپ، ىڭعايلى ۋاقىتتا قايتا جالعاستىرا الاسىز. سىزدەر كۋرستى پلاتفورمادا 31 قازانعا دەيىن، ياعني ءۇش ايعا دەيىن وتە الاسىز. بۇل كۋرس­تى اتتەستاتتاۋدان ءوتۋ ءۇشىن پايدالانۋ­عا بولماي­تىنىن ەسكەرتكىم كەلەدى، – دەدى ءا.مۇحامەتجانوۆا.

 

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار