ايماقتار • 04 تامىز، 2021

اقتوبەدە جاسوسپىرىمدەر توبەلەسىپ، بىرەۋى پىشاق جاراقاتىن الدى

22 رەت كورسەتىلدى

اقتوبەنىڭ ەمبى قالالىق اۋرۋحاناسىنا 16 جاستاعى ءجاسوسپىرىم پىشاق جاراقاتىمەن ءتۇستى. قازىر قىلمىستىق ءىس قوزعالىپ، تەرگەۋ امالدارى جۇرگىزىلۋدە، دەپ حابارلايدى Egemen.kz وبلىستىق پد ءباسپاسوز قىزمەتىنە سىلتەمە جاساپ.

«ەمبى قالالىق اۋرۋحاناسىنىڭ قابىلداۋ بولىمىنە بەلگىسىز ادامدار 2005 جىلى تۋعان ءجاسوسپىرىمدى پىشاق جاراقاتىمەن جەتكىزدى. پوليتسيا قىزمەتكەرلەرى جەدەل ءىس-شارالار وتكىزۋ بارىسىندا 16 جاستاعى ءجاسوسپىرىمدى انىقتاپ، ۇستادى. كامەلەتكە تولماعان ەكى بالانىڭ اراسىندا داۋ-داماي تۋىنداپ، سونىڭ سالدارىنان ءبىرىنىڭ ەكىنشىسىنە پىشاق جاراقاتىن سالعانى بەلگىلى بولدى»، دەپ حابارلادى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.

قازىر وسى وقيعاعا بايلانىستى قىلمىستىق كودەكستىڭ «دەنساۋلىققا قاساقانا اۋىر زيان كەلتىرۋ» بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. پوليتسيا مەن ءبىلىم بەرۋ ورگاندارى ءمان-جايدى انىقتاۋ ماقساتىندا تەكسەرىس جۇرگىزەتىن بولادى.

«كامەلەتكە تولماعان بالالاردىڭ اراسىنداعى قۇقىق بۇزۋشىلىقتىڭ الدىن الۋعا بولادى. تەك الدىن الۋ جۇمىستارىنا وتباسى مەن جاقىن ادامدارى تارتىلۋى كەرەك»، دەيدى اقتوبە وبلىسى پد باستىعى اتىعاي ارىستانوۆ.

سوڭعى جاڭالىقتار

ۇقساس جاڭالىقتار