31 شىلدەدە مونيتورينگتىك توپتار 30 مەكەمەنى اكىمشىلىك جاۋاپكەرشىلىككە تارتتى.
الماتى اۋدانىندا «النۋر», «نۋرحولل» تويحانالارىندا, «ەرەيمەن» مەيرامحاناسىندا, «مياتا» ساۋنا, لاۋندج بارىندا جانە «كيشميش» كافەسىندە كارانتين تالاپتارىنىڭ بۇزىلعانى انىقتالدى.
بايقوڭىر اۋدانىندا «respawn» كومپيۋتەرلىك كلۋبى مەن «حيۋررەم» كافەسى كارانتين مەن ماسكا رەجيمىن ەلەمەي جۇمىس ىستەگەن.
سارىارقا اۋدانىندا 8 مەكەمە ەلدىڭ باس سانيتارلىق دارىگەرىنىڭ قاۋلىسىن بۇزىپ جۇمىس ىستەدى. ول «استاۋ», «كۋنجۋت», «ارنا», «سچاستە», «El Plaza», «تسەنتر پلوۆا» مەيرامحانالارى, «Espresso» كوفەحاناسى جانە «گرادۋس» سىرا دۇكەنى.
ەسىل اۋدانىندا 14 مەكەمە كارانتين شەكتەۋلەرىن بۇزدى. ول «Shatush» رەستوران كەشەنى, تۇران 7ا داڭعىلىنداعى ەلوردالىق مادەنيەت جانە دەمالىس پاركى. «وازيس» جاعاجاي كلۋبى, «Aura Club» تۇنگى كلۋبى, «Maestro» كاراوكە بارى, «Ailand Astana» جشس, «Lavash», «Carreta» تەز تاماقتانۋ مەيرامحانالار جەلىسى, «ەدەلۆەيس», «تەنگوۆكا» مونشا كەشەندەرى, «كاكيە ليۋدي» رەستو-بارى جانە «Tequila», «پاناەحالي» جانە «Chechil pub» بارلارى. كەي مەكەمەلەردە كوپ ادامداردىڭ جينالۋىمەن قىز ۇزاتۋ, مەرەيتويلار مەن تۋعان كۇندەر وتكىزىلگەن.
ايتا كەتەيىك, بارلىق جاعدايلار بويىنشا اكىمشىلىك شارالار قابىلداۋ ءۇشىن سانيتارلىق-ەپيدەميولوگيالىق باقىلاۋ سالاسىنداعى ءتيىستى ورگانعا راپورت جولداندى.
ەستەرىڭىزگە سالا كەتەيىك, نۇر-سۇلتان قالاسى ەپيدەميولوگيالىق جاعدايدى باعالاۋ ماتريتساسى بويىنشا ءالى دە «قىزىل» ايماقتا. كۇن سايىن كۆي ينفەكتسياسىنىڭ 1300-دەن استام جاڭا جاعدايى انىقتالادى. قالاداعى ەپيدەميولوگيالىق جاعداي تۇراقسىز بولىپ قالۋدا, سوندىقتان ەلوردا تۇرعىندارى مەن قوناقتارى, سونداي-اق كاسىپكەرلىك وبەكتىلەرى كوروناۆيرۋس دەرتىنىڭ ودان ءارى تارالۋىن بولدىرماۋ ءۇشىن سانيتارلىق نورمالار مەن كارانتين تالاپتارىن قاتاڭ ساقتاۋى كەرەك.
