«قاراسورا-2021» رەسپۋبليكالىق جەدەل-ىزدەستىرۋ ءىس-شارالارى اياسىندا جامبىل وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى شۋ اۋدانىنىڭ بالىق اۋلاۋ الدى ايماعىندا جەدەل-ىزدەستىرۋ ءىس-شارالارىن جۇرگىزۋ كەزىندە 47 جاستاعى جەرگىلىكتى تۇرعىندى قاماۋعا الدى.
ءتىنتۋ بارىسىندا ودان جالپى سالماعى 598 كەلى 780 گرامم «ماريحۋانا» ەسىرتكى زاتى تابىلىپ, تاركىلەندى. تاركىلەنگەن زاتتىڭ سالماعى شامامەن جەتى ميلليون دوزانى قۇرايدى. قارا نارىقتا ەسىرتكىنىڭ مۇنداي مولشەرىنىڭ قۇنى شامامەن 60 ميلليون تەڭگەنى قۇرايدى.
قر قك 297-بابى 3-بولىگى «ەسىرتكىنى وتكىزۋ ماقساتىندا اسا ءىرى مولشەردە زاڭسىز ساقتاۋ» بويىنشا سوتقا دەيىنگى تەرگەۋ باستالدى. اتالعان قىلمىس ءۇشىن مۇلكىن تاركىلەي وتىرىپ, 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ قاراستىرىلعان, دەدى جامبىل وبلىسى پد ۋپن باستىعى اسقار جۇمابەكوۆ.
