ەلوردا • 30 شىلدە، 2021

ەلوردادا 21 جاستاعى ەسىرتكى ديللەرى ۇستالدى

59 رەت كورسەتىلدى

«قاراسورا-2021» جەدەل الدىن الۋ شاراسى اياسىندا پوليتسەيلەر ەلوردا اۋماعىنداعى ەسىرتكى جانە جۇيكەگە اسەر ەتەتىن زاتتاردى ساتۋمەن اينالىساتىن ادامداردى انىقتاۋ بويىنشا جۇمىستار جۇرگىزۋدە، دەپ حابارلايدى Egemen.kz نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

كۇدىكتىنىڭ جالدامالى پاتەرىندە پسيحوتروپتىق زاتتار سالىنعان ەلەكتروندىق تارازىلار، ەسىرتكىنى بۋىپ-تۇيۋگە ارنالعان پوليەتيلەن پاكەتتەرىنىڭ 350 داناسى، 255 مىڭ تەڭگە كولەمىندەگى اقشا قاراجاتى، سونداي-اق ساتىلۋعا دايىن تۇرعان «سينتەتيكالىق» پرەپاراتتار تابىلدى.

«تاركىلەنگەن ەسىرتكى دوزالار بويىنشا ولشەنىپ سالىنعان. ناتيجەسىندە، ەسىرتكىنىڭ ءبىر رەتتىك 90 دوزاسى تابىلدى. ۇستالعان ازامات سينتەتيكانى نۇر-سۇلتان قالاسىنىڭ اۋماعىندا ساتپاق بولعان»، دەپ اتاپ ءوتتى پوليتسيادا.

اتالعان فاكتى بويىنشا قىلمىستىق ءىس قوزعالدى.

جاس ديللەرگە قر قىلمىستىق كودەكسىنىڭ 297-بابىنىڭ 3-بولىگى «ەسىرتكى زاتتارىن زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ نەمەسە وتكىزۋ» بويىنشا ايىپ تاعىلدى. بۇل 15 جىلعا دەيىنگى مەرزىمگە باس بوستاندىعىنان ايىرۋ مەن مۇلكىن تاركىلەۋ جازاسىن كوزدەيدى.

سوڭعى جاڭالىقتار

شىمكەنتتە قوناەۆ داڭعىلى اشىلدى

ايماقتار • بۇگىن، 17:58

الماتى ماڭىندا جەر سىلكىندى

ايماقتار • بۇگىن، 16:42

دوللار ارزاندادى

ەكونوميكا • بۇگىن، 14:08

ۇقساس جاڭالىقتار