قازاقستان رەسپۋبليكاسى مەن تاجىكستان رەسپۋبليكاسىنىڭ پرەمەر-مينيسترلەرى تەلەفون ارقىلى سويلەسۋ قورىتىندىسى بويىنشا قول جەتكىزىلگەن ۋاعدالاستىققا سايكەس 26 شىلدەدە دۋشانبە قالاسىندا قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار ءمينيسترى م. مىرزاعاليەۆتىڭ تاجىكستان رەسپۋبليكاسىنىڭ ەنەرگەتيكا جانە سۋ شارۋاشىلىعى ءمينيسترى د. دجۋمامەن ەكىجاقتى كەزدەسۋى ءوتتى.
كەزدەسۋ بارىسىندا تاراپتار ەكى ەلدىڭ سۋ شارۋاشىلىعىنىڭ ماسەلەلەرىن تالقىلادى.
قازاقستان تاراپى باحري-توچيك سۋ قويماسىنان سۋ تاستاۋدى ۇلعايتقانى ءۇشىن تاجىك تاراپىنا العىس ءبىلدىردى.
ماسەلەن, تۇركىستان وبلىسىنىڭ اۋىل شارۋاشىلىعى تاۋار وندىرۋشىلەرىن سۋمەن قامتاماسىز ەتۋ ماقساتىندا «دوستىق» كانالىنىڭ قازاقستاندىق بولىگىنە سۋ بەرۋ 80 م3/س-نان 100 م3/س-قا دەيىن ۇلعايتىلدى.
«تاراپتار سىرداريا وزەنىنىڭ ورتا جانە تومەنگى اعىسىنداعى سۋ شارۋاشىلىعى جاعدايىن جاقسارتۋ جونىندەگى بىرلەسكەن شارالاردى جالعاستىرۋعا كەلىستى», دەلىنگەن حابارلامادا.
