پرەزيدەنت • 24 شىلدە، 2021

پرەزيدەنت تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ ەسەبىن تىڭدادى

49 رەت كورسەتىلدى

مەملەكەت باسشىسى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ ەسەبىن تىڭدادى، دەپ حابارلايدى Egemen.kz. بۇل تۋرالى قر پرەزيدەنتىنىڭ ءباسپاسوز حاتشىسى بەرىك ءۋالي مالىمدەدى

قاسىم-جومارت توقاەۆقا مينيسترلىكتىڭ بيىلعى ءبىرىنشى جارتىجىلدىقتاعى اتقارعان جۇمىستارى، مەملەكەتتىك قىزمەت كورسەتۋ ءىسىن دامىتۋدىڭ وزەكتى ماسەلەلەرى، سونداي-اق، پرەزيدەنتتىڭ قازاقستان رەسپۋبليكاسى ۇكىمەتىنىڭ كەڭەيتىلگەن وتىرىسىندا بەرگەن تاپسىرمالارىنىڭ ورىندالۋى تۋرالى ەسەپ بەرىلدى.

سونداي-اق، مەملەكەت باسشىسى عالامتور ساپاسىن ارتتىرۋ ءۇشىن قابىلدانىپ جاتقان شارالار تۋرالى مالىمەتتەردى تىڭدادى. باعدات ءمۋسيننىڭ ايتۋىنشا، مينيسترلىك عالامتور ساپاسىن تەكسەرۋدى جيىلەتكەن. سونىڭ ناتيجەسىندە بايلانىس وپەراتورلارىنا ساپاسىز قىزمەت كورسەتكەنى ءۇشىن ايىپپۇل سالىنعان.

ۆەدومستۆو باسشىسى پرەزيدەنتكە بيىلعى التى اي ىشىندە قازاقستانداعى ينتەرنەت ترافيگى 7900 پەتابايتقا دەيىن ارتقانىن جەتكىزدى. بۇل بىلتىرعى ءبىر جىل ىشىندەگى كورسەتكىشپەن سالىستىرعاندا 15 پايىزعا ارتىق.

مينيستر ينتەرنەت ساپاسىنا قاتىستى نەگىزگى كورسەتكىشتەر بويىنشا ءوسىمنىڭ وڭ قارقىنى بار ەكەنىنە نازار اۋداردى. قازاقستان ءبىر جىل ىشىندە ءموبيلدى عالامتوردىڭ جىلدامدىعى بويىنشا Speedtest Global Index رەيتينگىندەگى الاتىن ورنىن 15 ساتىعا جاقسارتىپ، 80-ءشى ورىندى يەلەنگەن. قازاقستان بەكىتىلگەن ينتەرنەت جىلدامدىعى جونىندەگى رەيتينگتە 65-ءشى ورىندا تۇر.

سونىمەن قاتار مەملەكەت باسشىسىنا شالعاي اۋىلداردا جىلدامدىعى جوعارى كەڭ جولاقتى ينتەرنەتكە قول جەتىمدىلىكتى قامتاماسىز ەتۋ ءۇشىن جەر ءۇستى وربيتالىق سپۋتنيكتىك بايلانىستىڭ جەتەكشى وپەراتورلارىمەن بىرلەسە جۇرگىزىلىپ جاتقان جۇمىستار جونىندە باياندالدى.

بۇدان بولەك باعدات مۋسين كوروناۆيرۋس ىندەتىنە قارسى كۇرەستە جاڭا تسيفرلىق تەحنولوگيالاردىڭ قولدانىلۋى مەن مەملەكەتتىك قىزمەت كورسەتۋ ۇدەرىسىن وڭتايلاندىرۋ جونىندە ەسەپ بەردى.

ەسەپ قورىتىندىلارى بويىنشا، مەملەكەت باسشىسى مينيسترلىككە بىرقاتار ناقتى تاپسىرما تاعايىندادى.

سوڭعى جاڭالىقتار

زاڭ ءبىلىمىنىڭ ساپاسى قارالدى

پارلامەنت • بۇگىن، 08:10

شەرحاننىڭ شامىرقانىسى

ادەبيەت • كەشە

مەيىرىم ءپالساپاسى

رۋحانيات • كەشە

تۋريستەر تورگە وزسا...

ايماقتار • كەشە

ورالحاننىڭ وبرازى

ادەبيەت • كەشە

اۋەزوۆتىڭ عادەتى

ادەبيەت • كەشە

ۇقساس جاڭالىقتار