كوروناۆيرۋس • 24 شىلدە، 2021

كۆي-مەن اۋىرىپ تۇرعاندارعا ۆاكتسينا قاجەت پە؟

294 رەت كورسەتىلدى

قازاقستاننىڭ پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان وڭىرلىك كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا قاۋىپتى ىندەتتى جۇقتىرۋدىڭ 90%-ى جابىق ءۇي-جايلاردا بولاتىنىن اتاعان ەدى. ۆيرۋسولوگ حالىقتى وزدەرىن جانە جاقىندارىن كوروناۆيرۋستىڭ ەرەكشە قاۋىپتى «دەلتا» نۇسقاسىنان قورعاۋ ءۇشىن ۆاكتسينالاۋعا شاقىردى، دەپ حابارلايدى Egemen.kz.

الماز شارمان الماتى تۇرعىندارىنا سانيتارلىق-ەپيدەميولوگيالىق نورمالاردى قاتاڭ ساقتاۋدى، ادام كوپ جينالاتىن جابىق ءۇي-جايلارعا بارماۋدى ەسكەرتتى. سوندىقتان قالادا قاۋىپتى «دەلتا» كوروناۆيرۋس شتامىنىڭ اينالىمى جوعارى.

«عالىمدار كوروناۆيرۋستىڭ بۇل نۇسقاسى نەگە جۇقپالى ەكەنىن ءتۇسىندى. ويتكەنى، مۋتاتسيا گەننىڭ ءبىر بولىگىندە پايدا بولادى. ول ينتەرفەرون دەپ اتالاتىن يممۋندىق مولەكۋلانىڭ تۇزىلۋىنە كەدەرگى كەلتىرەدى. بۇل يممۋندىق قورعانىستى جۇمىلدىرۋ ءۇشىن وتە ماڭىزدى. ۆيرۋس ادام اعزاسىنا ەنگەن كەزدە ينتەرفەرون ءوندىرىسىن تەجەيدى، يممۋندىق قورعانىس وتە باياۋ باستالادى جانە ۆيرۋس مۇرىن قۋىسىندا كوپ مولشەردە جينالىپ، جەرگىلىكتى قابىنۋدى تۋدىرادى. جۇقتىرعان ادام تۇشكىرە باستايدى جانە ينفەكتسيانى تەز تاراتادى. بۇل "دەلتا" نۇسقاسىنىڭ بىردەن ءبىر بەلگىسى»، دەدى عالىم.

ا. شارماننىڭ ايتۋىنشا، «دەلتا» شتامى كوروناۆيرۋستىڭ باسقا نۇسقالارى سياقتى كوپتەگەن ادامدا سيمپتومسىز بولادى. سوندىقتان ينفەكتسيانى الدىن الۋدىڭ جالعىز جولى – ۋاقىتىلى ەكپە الۋ.

سونداي-اق ۆيرۋسولوگ كوروناۆيرۋستى قايتا جۇقتىرۋدىڭ سەبەبىن ءتۇسىندىردى. 2020 جىلدىڭ قاراشا ايىندا اقش-تا جۇرگەندە ول دجونس حوپكينس پەن ستەنفورد ۋنيۆەرسيتەتىنىڭ ارىپتەستەرىمەن قايتا جۇقتىرۋدىڭ بەس جاعدايىن تالقىلادى جانە اۋرۋدان كەيىن يممۋندىق قورعانىستى زەرتتەۋ قيىن دەپ سانايدى.

«ەندى ءبىز اۋىرعان جانە انتيدەنەلەرى بار ادامدار دا قايتالاناتىن ينفەكتسيالارعا ۇشىراۋى مۇمكىن ەكەنىن تۇسىندىك. بۇل ۆيرۋستىڭ مۋتاتسياسىنا بايلانىستى. قازىر ءتۇرلى مالىمەتتەر بويىنشا جاڭا ينفەكتسيالاردىڭ شامامەن 20%-ى بۇرىن اۋىرعان ازاماتتاردا بايقالدى. بۇل ناۋقاستار ءۇشىن ۆاكتسينانىڭ ماڭىزدىلىعىن كورسەتەدى. ۆاكتسينا يممۋندىق قورعانىستى ايتارلىقتاي كۇشەيتۋگە جانە قايتا جۇقتىرۋدان قورعانۋعا كومەكتەسەدى»، دەدى ا. شارمان.

عالىم الماتىداعى ينفەكتسيالاردىڭ ۇلەسى قارت ادامداردان جاس ادامدارعا اۋىسقانىن ايتتى. ولار يممۋندىق جۇيەنى جاتتىقتىرۋ ءۇشىن ۆاكتسينا الۋى كەرەك.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

ۇقساس جاڭالىقتار