مەملەكەت باسشىسى قىتايدىڭ حەنان پروۆينتسياسىنداعى تولاسسىز جاڭبىر مەن سۋ تاسقىنى سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىلدادى.
«وسىنداي اۋىر ساتتە قايعى-قاسىرەتتەرىڭىزگە ورتاقتاسىپ, بارشا قازاقستاندىقتاردىڭ جانە جەكە ءوزىمنىڭ اتىمنان سىزگە, جاقىندارىنان ايىرىلعان وتباسىلارعا, سونداي-اق, بۇكىل قىتاي حالقىنا قايعىرا كوڭىل ايتامىن. تابيعي اپاتتان جاراقات العانداردىڭ تەز ارادا ساۋىعىپ, ءىز-ءتۇسسىز جوعالعانداردىڭ امان-ەسەن وتباسىلارىنا ورالۋىنا تىلەكتەستىگىمدى بىلدىرەمىن», دەلىنگەن جەدەلحاتتا.
قاسىم-جومارت توقاەۆ قاجەتتىلىك بولعان جاعدايدا قازاقستان ۇكىمەتى ءتيىستى كومەك كورسەتۋگە دايىن ەكەنىن ناقتىلادى.
