تەكسەرۋ بارىسىندا اسكەرلەر قىزمەتىن ۇيىمداستىرۋ, قارۋ مەن وق-دارىلەردىڭ, ماتەريالدىق قورلار مەن جانار-جاعارماي ماتەريالدارىنىڭ ساقتالۋى, سونداي-اق زەنيتتىك زىمىران ديۆيزيوندارى مەن راديولوكاتسيالىق بولىمشەلەر جەكە قۇرامىنىڭ اۋە كەڭىستىگىن كۇزەتۋ بويىنشا جاۋىنگەرلىك كەزەكشىلىكتى اتقارۋى ماسەلەلەرىنە ەرەكشە نازار اۋدارىلدى. كوميسسيا اسكەري قىزمەتشىلەردىڭ الەۋمەتتىك-تۇرمىستىق جاعدايلارىن دا تەكسەردى.
– بۇگىن اۋە شابۋىلىنا قارسى قورعانىس ماماندارى جاۋىنگەرلىك ازىرلىكتىڭ تالاپ ەتىلەتىن دەڭگەيىن ۇستاۋمەن قارقىندى جاۋىنگەرلىك دايارلىق جۇرگىزەدى, كۇردەلى تەحنيكانى مەڭگەرەدى. ونىڭ ايقىن دالەلى رەتىندە تمد اۋە شابۋىلىنا قارسى قورعانىستىڭ بىرىككەن جۇيەسىندە اسكەرلەردى ءار ءتۇرلى تەكسەرۋ, جاۋىنگەرلىك وق اتۋمەن وقۋ-جاتتىعۋدىڭ جانە جاتتىقتىرۋدىڭ جوعارى ناتيجەلەرىن ايتۋعا بولادى, – دەپ اتاپ ءوتتى باس قولباسشى.
تەكسەرۋ ناتيجەلەرى بويىنشا كومانديرلەرگە ۇسىنىمدار مەن بىرقاتار نۇسقاۋلار بەرىلدى. ودان باسقا, ولارعا قارۋ مەن وق-دارىلەردى ساقتاۋ, قۇجاتتامانى جۇرگىزۋ ماسەلەلەرىندە باسشىلىق قۇجاتتاردىڭ تالاپتارىن ساقتاۋعا بايلانىستى پراكتيكالىق كومەك كورسەتىلدى.
