«قاراسورا-2021» رەسپۋبليكالىق جەدەل الدىن الۋ ءىس-شاراسىن وتكىزۋ بارىسىندا جامبىل وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى قاينار-قورداي اۆتوجولىندا ۆاز-2107 اۆتوكولىگىن توقتاتقان.
كولىكتى ءتىنتۋ بارىسىندا تەا ەسىمدى قىزمەتتىك ءيتتىڭ كومەگىمەن ءتورت كەلى گاشيش تابىلدى.
«قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى «ەسىرتكى زاتتارىن وتكىزۋ ماقساتىندا اسا ءىرى مولشەردە زاڭسىز ساقتاۋ» بويىنشا سوتقا دەيىنگى تەرگەۋ باستالدى. ۇستالعان ازامات كىناسىن مويىنداپ, ۋاقىتشا ۇستاۋ يزولياتورىنا قامالدى», دەدى جامبىل وبلىستىق پد ۋپن باستىعى اسقار جۇمابەكوۆ.
