ايماقتار • 18 شىلدە، 2021

ءماجىلىس دەپۋتاتى قايىڭدى اۋىلىنىڭ تۇرعىندارىمەن كەزدەستى

74 رەت كورسەتىلدى

پارلامەنت ءماجىلىسىنىڭ دەپۋتاتى ءزۇلفيا سۇلەيمەنوۆا مەن  قايىڭدى اۋىلدىق وكرۋگى اكىمىنە ۇمىتكەر نۇربولات جالعاس مۇعالجار اۋدانى قايىڭدى اۋىلدىق وكرۋگىنىڭ تۇرعىندارىمەن، «AltynEx Company» كومپانياسىنىڭ  ۇجىمىمەن كەزدەستى دەپ حابارلايدى Egemen.kz.

 «Nur Otan» پارتياسىنان اۋىلدىق وكرۋگ اكىمىنە كانديداتتىققا تىركەلگەن نۇربولات جالعاس  2013 جىلدان  بەرى مۇعالجار اۋدانى قايىڭدى اۋىلدىق وكرۋگىندە باس مامان بولىپ جۇمىس ىستەيدى. جاسى 30-دا. سايلاۋالدى باعدارلاماسىنا التىندىداعى امبۋلاتورياعا كۇردەلى جوندەۋ جۇرگىزىپ، مەكتەپ  قۇرىلىسىن اياقتاۋدى، التىندى مەن قايىڭدى ەلدى مەكەندەرىندەگى ەلەكتر جەلىلەرىن الماستىرىپ، «ەمبى–التىندى» اۆتوكولىك جولىنا ورتاشا جوندەۋ جۇرگىزۋدى ەنگىزگەن.

مۇعالجار اۋدانىنىڭ قايىڭدى اۋىلى وبلىس ورتالىعىنان 270 شاقىرىمدا ورنالاسقان. وكرۋگكە التىندى جانە قايىڭدى اۋىلدارى كىرەدى.

قايىڭدى اۋىلىنىڭ تۇرعىندارى ءماجىلىس دەپۋتاتى ءزۇلفيا سۇلەيمەنوۆاعا ۇزىندىعى 56 شاقىرىم بولاتىن «التىندى-ەمبى»  تاسجولىن جوندەۋگە ىقپال ەتۋىن سۇرادى. تۇرعىنداردىڭ ايتۋىنشا، «AltynEx Company» جشس-ءنىڭ اۋىر جۇك كولىكتەرى اۋىلىشىلىك جولدى  ابدەن توزدىرعان. جاز بويى جولدا كوتەرىلگەن   شاڭ كولىك جۇرگىزۋشىلەرىنە جولداعى كورۋ قاشىقتىعىن قيىنداتىپ،  تەرەڭ وي-شۇقىرلارى جەڭىل كولىكتىڭ  قوزعالىسىنا ابدەن قيىندىق كەلتىرگەن. ءزۇلفيا سۇلەيمەنوۆا قايىڭدى اۋىلى تۇرعىندارىنىڭ تالابىن التىندىدا «AltynEx Company» جشس-ءى مەكەمەسى عيماراتىندا  وتكەن كەزدەسۋدە كومپانيا باسشىلىعىنا جەتكىزدى. ءماجىلىس دەپۋتاتى  اۋىلىشىلىك قاتىناس جولىن  رەتكە كەلتىرىپ،  ورتاشا جوندەۋ جۇمىستارىن جۇرگىزۋدى كومپانيا باسشىلىعىنا تاپسىرىپ، وسى سۇراقتى ۇنەمى قاداعالاپ وتىراتىنىن جەتكىزدى.

ايتا كەتۋ كەرەك، 14 شىلدەدەن باستاپ اۋداندىق ماڭىزى بار قالالاردىڭ، اۋىلدار مەن كەنتتەردىڭ جانە اۋىلدىق وكرۋگ اكىمدەرىن سايلاۋدىڭ ۇگىت-ناسيحات ناۋقانى باستالدى. اقتوبە وبلىسىندا اۋىلدىق وكرۋگتەر اكىمدىگىنە 107 كانديدات تىركەلسە،  ونىڭ 17-ءى ايەلدەر. 65 كانديدات التى  ساياسي پارتيادان،  42 ادام ء وزىن-ءوزى ۇسىنۋ جولىمەن تىركەلدى. پارتيالىق ءتىزىم بويىنشا «Nur Otan» پارتياسىنان - 28، «اۋىل» پارتياسىنان - 16، «اق جول» پارتياسىنان - 9، «اDAL» پارتياسىنان - 5، قازاقستان حالىق پارتياسىنان – 5، جالپىۇلتتىق سوتسيال-دەموكراتيالىق پارتياسىنان – 2 كانديدات اكىم بولۋعا ۇمىتكەر.

وبلىستىق سايلاۋ كوميسسياسىنىڭ مالىمەتىنە قاراعاندا، سايلاۋ الدىندا ءبىر وكرۋگكە ورتاشا باسەكەلەستىك 3 ادامنان كەلەءدى. كانديداتتاردىڭ ەڭ جاسى 27 دە، ەڭ   ۇلكەنى 62 جاستا.

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار