ونلاين سىنىپتار تەلەديدار, نوۋتبۋك, كامەرا, تاعى باسقا قاجەتتى زاماناۋي تەحنيكالارمەن قامتىلعان.
قور پرەزيدەنتىنىڭ ايتۋىنشا, 2020 جىلى 300-دەن استام ونلاين تەگىن ساباق وتكىزىلدى. وعان مىڭ جارىم ادام قاتىسىپ, 400-گە جۋىعى قازاق ءتىلىن جەتىك مەڭگەردى دەگەن سەرتيفيكات الدى.
ال 2021 جىلى 350 تەگىن ونلاين ساباق وتكىزىلدى. وندا 900 قانداس تەستىلەۋگە قاتىسىپ, قازاق ءتىلىن مەڭگەرىپ شىقتى.
«قازىرگى ۋاقىتتا قر ءبىلىم جانە عىلىم مينيسترلىگىنىڭ قولداۋىمەن شەتەلدەگى قانداستارعا قازاق ءتىلىن ۇيرەتۋ بويىنشا ورتاق امبەباپ وقۋ قۇرالى ازىرلەنۋدە. سەبەبى, لاتىن قارپىمەن نەمەسە توتە جازۋمەن ساۋات اشقان بالالارعا كيريلليتسا ۇيرەتۋ قيىن. سوندىقتان, امبەباپ ءادىسناما قاجەت بولدى. بۇل قۇرال جىل سوڭىنا دەيىن دايىن بولۋى مۇمكىن», دەيدى ماعاۋيا سارباسوۆ.
