ۇسىنىمدار پسيحوسەكسۋالدىق دامۋ جانە رەپرودۋكتيۆتى دەنساۋلىق تۋرالى ءبىلىمدى قالىپتاستىرۋ, وتباسىنداعى رولدەردى ءبولۋ تۋرالى يدەيالار, وتباسىلىق قاتىناستار سالاسىنداعى مەملەكەتتىك ساياساتتى زەرتتەۋ, نەكە جانە وتباسى تۋرالى زاڭنامانىڭ نەگىزدەرىمەن تانىسۋ, ادامگەرشىلىك قاسيەتتەردى تاربيەلەۋ, تۇلعاارالىق قارىم-قاتىناس ەرەكشەلىكتەرىن زەرتتەۋ سياقتى اسپەكتىلەردى قامتيدى.
وقۋ قۇرالىندا پىكىرتالاستار, مامانداردىڭ ءدارىس-كەڭەستەرى, ءوزىن-ءوزى دياگنوستيكالاۋ ساباقتارى, ۆيدەو پرەزەنتاتسيالار, تانىمدىق ويىندار جانە تاعى باسقا ادىستەمەلەر ارقىلى جاستاردىڭ بىلىمدەرىن ارتتىرۋعا بولاتىندىعى ايتىلعان.
مىسالى, ادىستەمەلىك قۇرادال «ماحاببات پەن دوستىق تۋرالى نە بىلەمىز», «10 مەن», «دوس ىزدەيمىن» جاتتىعۋلارىن, «كومپليمەنت» ويىنىن, «ناعىز» ەركەك پەن ايەلگە ءتان قاسيەتتەردى قۇراستىرۋعا ارنالعان پراكتيكالىق تاپسىرمالاردى, «يدەالدى» جۇپتىڭ پورترەتىن جانە جۇبايىنا قاجەت قاسيەتتەردى ەگجەي-تەگجەيلى سيپاتتايدى. سونداي-اق جاتتىعۋلار قاتارىندا ي. يۋندانىڭ ادامنىڭ وتباسىلىق ومىرگە دايىندىعىن باعالاۋ ساۋالناماسى, «ايسبەرگ – قاقتىعىستا ءوزىمدى قالاي ۇستايمىن» جاتتىعۋلارى بار.
سونىمەن قاتار بارلىق وڭىرلەردەگى وتباسىن قولداۋ قىزمەتتەرىنىڭ بايلانىس دەرەكتەرى, وتباسى-نەكە قاتىناستارى سالاسىنداعى نورماتيۆتىك-قۇقىقتىق قۇجاتتار, سونداي-اق جاس وتباسىلارعا ارنالعان تۇرعىن ءۇي قاتىناستارى سالاسىنداعى باعدارلامالار, جەڭىلدىكتەر تىزبەگى ۇسىنىلعان.
«قازىرگى قوعامنىڭ ماڭىزدى ماسەلەلەرىنىڭ ءبىرى – وتباسى ينستيتۋتىنىڭ ماڭىزدىلىعىن ءتۇسىنۋ. سوندىقتان قازىرگى جاعدايدا وتباسىلىق الەۋمەتتانۋ جانە جەكە تۇلعانى تاربيەلەۋ قاجەتتىلىگى تۋىندادى. وسكەلەڭ ۇرپاقتىڭ الەۋمەتتەنۋى, بولاشاق وتباسىلاردىڭ ءال-اۋقاتى كوبىنەسە وسى اسپەكتىنى ىسكە اسىرۋ ساپاسىنا بايلانىستى», دەلىنگەن ادىستەمەلىك نۇسقاۋلىقتا.
