وبلىستىق پوليتسيا دەپارتامەنتىنىڭ مالىمەتىنشە, 24 ماۋسىم كۇنى ساعات 21.20-دا پوليتسياعا قالالىق ساياباق ماڭىنداعى «بەليس» ءدامحاناسىنىڭ جانىندا سوققىعا جىعىلعان جىگىت جاتقانى تۋرالى حابارلاما تۇسكەن.
- وقيعا ورنىنا كەلگەن پوليتسيا قىزمەتكەرلەرى ءۇش جاس جىگىتتىڭ ءدامحانادا الكوگول ىشكەنىن انىقتادى. ساعات 20.30 شاماسىندا مەكەمە كۇزەتشىلەرى ولاردان ءدامحانادان كەتۋدى سۇراعان, ويتكەنى جىگىتتەر اگرەسسيۆتى ارەكەت ەتە باستاعان. ولاردىڭ بىرەۋى كوشەدە ءوتىپ بارا جاتقان اداممەن جانجالداسىپ, سوڭى توبەلەسكە ۇلاسقان, - دەدى پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
وقيعا سالدارىنان مۇرنى جاراقاتتانعان جاس جىگىتتىڭ ءبىرى اۋرۋحاناعا جەتكىزىلدى. توبەلەسكە قاتىسۋشىلاردىڭ بارلىعى انىقتالدى.
وقيعانىڭ ءمان-جايى مەن سەبەپتەرى انىقتالۋدا.
