مەديتسينا • 23 ماۋسىم، 2021

ەلىمىزگە ۆاكتسينانىڭ باسقا ءتۇرىن اكەلۋ جوسپاردا جوق

16 رەت كورسەتىلدى

قازاقستاندا ۆاكتسيناتسيا ءۇشىن 4 ءتۇرلى ۆاكتسينا قولدانىلادى. بۇگىندە ۆاكتسينانىڭ باسقا ءتۇرىن اكەلۋگە ناقتى جوسپار جوق. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ۇكىمەت باسشىسىنىڭ ورىنباسارى ەرالى توعجانوۆ مالىمدەدى، دەپ حابارلايدى Egemen.kz

ونىڭ ايتۋىنشا، بۇل حالىق دەنساۋلىعىنىڭ قاۋىپسىزدىگىن تولىق قامتاماسىز ەتۋگە مۇمكىندىك بەرەدى.

«كەلىسسوزدەر جۇرگىزىلىپ جاتىر. بىراق جاقىن ارادا ۆاكتسينانىڭ باسقا ءتۇرىن اكەلۋ جوسپاردا جوق. قازىرگى كەزدە كوپتەگەن مەملەكەت ۆاكتسيناعا قول جەتكىزە الماي وتىر. ددسۇ مالىمەتىنشە، 2 پايىز دەڭگەيىندە ۆاكتسينامەن قامتاماسىز ەتىلگەن كوپتەگەن ەلدەردە جاعداي قيىنداپ بارادى. مەملەكەت باسشىسىنىڭ تاپسىرماسىنا وراي، ناقتى شارالار قابىلدانىپ، ۆاكتسينالار تەگىن بەرىلىپ جاتىر. ۆاكتسينا جاساۋ وڭاي دۇنيە ەمەس. كوپ جۇمىس اتقارىلدى، كوپتەگەن كەلىسسوزدەر جۇرگىزىلدى. ءبىر ۆاكتسينا شىعارۋعا سۋبستانتسيا دايىنداۋ ءۇشىن 262 رەاگەنت كەرەك، ونى 7 ەۋروپا مەملەكەتىنەن اكەلۋگە جارتى جىلدان ارتىق ۋاقىت كەتەدى. ەلىمىزدە 2،4 ملن دوزا ۆاكتسينا بار. سىزدەردى ەل اراسىندا تۇسىندىرمە جۇمىستارىن جۇرگىزۋگە اتسالىسۋعا شاقىرامىن»، دەدى ە.توعجانوۆ جۋرناليستەرگە قاراتىپ ايتقان سوزىندە.

سوڭعى جاڭالىقتار

دوللار قايتا قىمباتتاي باستادى

ەكونوميكا • بۇگىن، 11:47

نۇرحاننىڭ دومبىراسى

ونەر • بۇگىن، 09:05

ءتورت دۇركىن چەمپيون

TOKYO2020 • بۇگىن، 09:04

ءبىر ءوزى – ءبىر مەملەكەت

TOKYO2020 • بۇگىن، 09:00

ءاميان اقشاسىز قالدى

قارجى • بۇگىن، 08:47

ۇقساس جاڭالىقتار