الەم • 22 ماۋسىم، 2021

وزبەكستان اۋعانستانمەن شەكاراسىن ۋاقىتشا جاپتى

20 رەت كورسەتىلدى

دەنساۋلىق ساقتاۋ مينيسترلىگى مەن بىرقاتار مۇددەلى تاراپتاردىڭ ۇسىنىسى بويىنشا رەسپۋبليكالىق ارنايى كوميسسيا اۋعانستان يسلام رەسپۋبليكاسىندا كوروناۆيرۋس ينفەكتسياسى بويىنشا ەپيدەميولوگيالىق جاعدايدىڭ ۋشىعىپ كەلە جاتقاندىعىن ەسكەرە وتىرىپ، وزبەك-اۋعان شەكاراسى ارقىلى ازاماتتاردىڭ ءوتۋىن ۋاقىتشا توقتاتۋ تۋرالى شەشىم قابىلدادى، دەپ حابارلايدى Egemen.kz.

دسم-ءنىڭ مالىمەتىنشە، اۋعانستان يسلام رەسپۋبليكاسىنىڭ ازاماتتارىنا تۋريستىك ۆيزالار بەرۋ، سونداي-اق تۋريستىك اگەنتتىكتەردەن ۆيزالىق وتىنىشتەردى قابىلداۋ دا توقتاتىلادى.

تەك، «تەرمىز-اۆتوجول» شەكارا بەكەتى ارقىلى كەلەسى ساناتتاعى ازاماتتار مەن كولىك قۇرالدارىنا وتۋگە رۇقسات بەرىلگەن: ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمداردىڭ قىزمەتكەرلەرى جانە ولاردىڭ وتباسى مۇشەلەرى; حالىقارالىق جۇك تاسىمالداۋمەن اينالىساتىن جۇرگىزۋشىلەر; ءوز ەلىنە قايتىپ جاتقان وزبەكستان رەسپۋبليكاسى مەن اۋعانستان يسلام رەسپۋبليكاسىنىڭ ازاماتتارىنا رۇقسات.

سونداي-اق «تەرمىز-اۆتوجول» شەكارا بەكەتى ارقىلى وزبەكستان رەسپۋبليكاسىنا كەلەتىن ادامدار تاراپىنان وتكىزۋ پۋنكتىندە جۇمىس ىستەيتىن ارنايى كلينيكا نەمەسە زەرتحانادا انتيگەندى ەكسپرەسس-تەستىنىڭ تەرىس ناتيجەسى بولعان جاعدايدا، ول ءور اۋماعىنا قابىلدانادى.

كوروناۆيرۋس ينفەكتسياسىنىڭ وڭ ناتيجەسى بار وزبەكستان رەسپۋبليكاسىنىڭ ازاماتتارى وبلىستاعى ارنايى كلينيكالارعا ەمدەلۋگە جىبەرىلەدى. كوروناۆيرۋس ينفەكتسياسىنىڭ وڭ ناتيجەسىن كورسەتكەن شەتەل ازاماتتارى وزبەكستان رەسپۋبليكاسىنىڭ اۋماعىنا كىرگىزىلمەيدى.

بۇدان بولەك، سىناق رەتىندە سانيتارلىق-ەپيدەميولوگيالىق قاداعالاۋ جانە قوعامدىق دەنساۋلىق ساقتاۋ قىزمەتى وزبەكستان رەسپۋبليكاسىنا شەكارا بەكەتتەرى ارقىلى كىرەتىن بارلىق ازاماتتاردان، ەل اۋماعىنا كىرگەننەن كەيىن 7 كۇنگە دەيىن كوروناۆيرۋس ينفەكتسياسىنا پوليمەرازا تىزبەكتى تەكسەرۋ وتكىزىلىپ، سىناق شىعىندارىن مەملەكەتتىك بيۋدجەتتەن وتەۋ جۇيەسى ەنگىزىلەدى.

سوڭعى جاڭالىقتار

قورجىن تولا – قولا

TOKYO2020 • كەشە

الىمجەتتىك ازايعانىمەن...

قازاقستان • كەشە

تۋريستكە دە ءتارتىپ بار

ايماقتار • كەشە

ۇقساس جاڭالىقتار