شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 17 ماۋسىم كۇنى ەكى بىردەي قايعىلى جاعداي بولعان.
«كۇرشىم اۋدانىنداعى زايسان كولىندە 1995 جىلعى جىگىت سۋعا كەتتى. قايىق اۋدارىلىپ تۇسكەندە ول جۇزە الماعاندىقتان سۋدان شىعا الماي قالعان. ەكىنشى وقيعا شەمونايحا اۋدانىندا بولدى. 14 جاستاعى ءجاسوسپىرىم دوستارىمەن بىرگە تەرەڭدىگى 1 مەتر 20 سانتيمەترگە جەتەتىن كارەرگە جينالىپ قالعان قار سۋىنا شومىلىپ جۇرگەن. 2 مەتردەي بيىكتىكتەن سۋعا سەكىرگەن بالا ءجۇزىپ شىعا الماي قالىپ, سول جەردە ءجانتاسىلىم ەتتى», دەپ حابارلادى ۆەدومستۆو وكىلدەرى.
وسى رەتتە دەپارتامەنت ماماندارى ءوڭىر جۇرتشىلىعىنا ارنايى جابدىقتالماعان سۋ ايدىندارىندا شومىلۋدان اۋلاق بولۋعا شاقىرادى.
