الەم • 10 ماۋسىم، 2021

موڭعوليانىڭ جاڭا پرەزيدەنتى كىم بولماق؟

31 رەت كورسەتىلدى

9 ماۋسىم، سارسەنبىدە موڭعولياداعى پرەزيدەنت سايلاۋىنىڭ الدىن الا مالىمەتتەرى بويىنشا، باسقارۋشى حالىقتىق پارتيانىڭ باس حاتشىسى ۋحنااگين حۋرەلسۋح الدا كەلە جاتىر، دەپ حابارلايدى Egemen.kz انادولى اگەنتتىگىنە سىلتەمە جاساپ.

مەملەكەتتىك سايلاۋ كوميسسياسىنىڭ مالىمەتى بويىنشا، حۋرەلسۋح 68 پايىز داۋىسقا يە بولعان. داۋىس بەرۋگە قاتىسقان 1 075 000 سايلاۋشىنىڭ 820 مىڭنان استامى ۋحنااگين حۋرەلسۋحقا داۋىس بەرگەن.

بيىلعى جىلدىڭ باسىنداعى نارازىلىقتاردان كەيىن پرەمەر-مينيسترلىكتەن كەتۋگە ءماجبۇر بولعان حۋرلەسۋح وپپوزيتسيالىق دەموكراتيالىق پارتيانىڭ كانديداتى سودنومزۋندۋين ەردەنە مەن «وڭ ادام - ​​ەلەكتورات» كواليتسياسىنىڭ مۇشەسى دانگااسۋرەنگين ەنحباتومدى باسىپ وزدى. بۇل جايىندا ەلدىڭ باس سايلاۋ كوميسسياسى حابارلاعان.

موڭعوليانىڭ بۇرىنعى پرەمەر-ءمينيسترى ۋحنااگين حۋرەلسۋح دەموكراتيالىق جولمەن سايلانعان التىنشى پرەزيدەنت بولماق. ءارى باسقارۋشى موڭعوليا حالىقتىق پارتياسىنىڭ پوزيتسياسىن ودان ءارى نىعايتادى دەگەن بولجام بار.

ول پرەزيدەنتتىڭ قىزمەت ەتۋ مەرزىمىن بىرنەشە مەرزىمگە شەكتەيتىن كونستيتۋتسيالىق وزگەرىستەردەن كەيىن قايتا سايلاۋ مۇمكىندىگىنەن ايىرىلعان حالتمااگين باتتۋلگانىڭ ورنىنا كەلەدى.

ۋحنااگين حۋرەلسۋح 1968 جىلى ۋلان-باتوردا دۇنيەگە كەلگەن. موڭعوليا اسكەري ۋنيۆەرسيتەتىن (قازىرگى ەل استاناسىنداعى موڭعوليا قورعانىس ۋنيۆەرسيتەتى) 1989 جىلى ساياسي ءبىلىم بەرۋ ماماندىعى بويىنشا بىتىرگەن.

ول مەملەكەتتىك باسقارۋ جانە كوشباسشىلىق ينستيتۋتىندا جانە موڭعوليا ۇلتتىق ۋنيۆەرسيتەتىندە مەملەكەتتىك باسقارۋ بويىنشا ءبىلىم الىپ شىققان.

2017 جىلدىڭ 21 قاراشاسىنان باستاپ موڭعوليا حالىقتىق پارتياسى (منپ) ورتالىق كوميتەتىنىڭ توراعاسى بولدى. 2017 جىلعى قازاننان باستاپ 2021 جىلعى 21 قاڭتارعا دەيىن مونعوليانىڭ پرەمەر-ءمينيسترى قىزمەتتەرىن اتقارعان.

بۇرىن ول سونداي-اق توتەنشە جاعدايلار ءمينيسترى (2004 جىلدان 2006 جىلعا دەيىن)، ينسپەكتسيا ءمينيسترى (2006 جىلدان 2008 جىلعا دەيىن)، موڭعوليا پرەمەر-ءمينيسترىنىڭ ورىنباسارى (2014-2015 جانە 2016-2017 جىلدارى) سەكىلدى لاۋازىمداردا بولعان.

حۋرەلسۋح 2021 جىلى 21 قاڭتاردا COVID-19 جۇقتىرعان جانە جاڭا بوسانعان انانى قىستىق كيىمسىز تاسىمالداۋعا بايلانىستى باستالعان نارازىلىقتاردان كەيىن پرەمەر-مينيستر قىزمەتىنەن كەتەتىندىگىن مالىمدەگەن ەدى.

باقىلاۋشىلار ونىڭ وتستاۆكاعا كەتۋىنىڭ ناقتى سەبەبىن «پرەزيدەنت بولۋعا دەگەن ۇمتىلىس» دەپ باعالادى.

حۋرەلسۋحتىڭ سايلاۋ ناۋقانىنداعى ۇرانى: «موڭعوليا - ءوز بايلىعىنىڭ قوجايىنى».

قولداۋشىلار اراسىندا ول «پولكوۆنيك حۋرەلسۋح»، ال سىنشىلار اراسىندا «پۋتينگە ەلىكتەگىش» رەتىندە تانىمال تۇلعا ەكەنىن ايتا كەتەيىك.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

ۇقساس جاڭالىقتار