شاراعا ەۋروپالىق وداقتىڭ قازاقستانداعى ەلشىسى, قازاقستاننىڭ ادام قۇقىقتارى جونىندەگى ۋاكىلى جانە قازاقستانداعى بۇۇ بالالار قورىنىڭ (يۋنيسەف) وكىلى قاتىستى. جوبا ەۋروپالىق وداق قارجىلاندىراتىن جانە بىرىككەن ۇلتتار ۇيىمىنىڭ بالالار قورى قولعا العان باعدارلاما اياسىندا ىسكە اسىپ وتىر.
«كوشى-قون پروتسەسىندە كوپتەگەن بالا, اسىرەسە, ولار جالعىز جولعا شىققان كەزدە ەلەۋلى تاۋەكەلدەرگە تاپ بولادى. مۇنداي ساتتە دوستىق اتموسفەرانى قالىپتاستىرۋ وتە ماڭىزدى. وسىنداي بولمەلەر بالالارعا ولاردىڭ قورعاۋدا ەكەن جانە بۇل ۋاقىتشا بولسا دا قاۋىپسىز ورىن ەكەنىن كورسەتۋ ءۇشىن ارنالعان», دەيدى ەو-نىڭ قازاقستانداعى ەلشىسى سۆەن-ولوۆ كارلسسون.
باعدارلاما اياسىندا نۇر-سۇلتاننان بولەك الماتى, شىمكەنت قالالارىن جانە تۇركىستان وبلىسىن قامتۋ جوسپارلانعان.
«بالاعا دوستىق» بولمەلەرى ىسكە قوسىلماس بۇرىن ونى «ادام قۇقىقتارى جانە زاڭدىلىقتى ساقتاۋ جونىندەگى حالىقارالىق بيۋرونىڭ قازاقستانداعى وكىلدىگى», «رودنيك» جانە «سانا سەزىم» سياقتى ۇيكىمەتتىك ەمەس ۇيىمداردىڭ سىناعىنان وتكەن. سىناق كەزىندە 250-دەن استام بالا دايارلىقتان وتكەن مامانداردىڭ قىزمەتىنە جۇگىنگەن. ء«ار بالا وتباسىدا ءومىر ءسۇرۋ ءۇشىن تۋعان. الايدا, قيىن جاعدايدا ول وسى قۇقىعىنان ايىرىلسا, ءبىز وعان جاڭا ءۇمىت پەن جىلۋلىق سىيلاۋعا مىندەتتىمىز», دەدى قازاقستان رەسپۋبليكاسىنداعى ادام قۇقىقتارى جونىندەگى ۋاكىل ەلۆيرا ءازىموۆا.
شارادا ءسوز سويلەگەن ءبىلىم جانە عىلىم مينيسترلىگىنىڭ ۆيتسە-ءمينيسترى بيبىگۇل اسىلوۆا قازاقستان اۋماعىندا ەشقانداي اسكەري قاقتىعىس بولىپ جاتپاسا دا, ميگرانت جانە بوسقىن بالالاردىڭ قۇقىقتارى مەن جاعدايلارىنا ۇلكەن كوڭىل ءبولىنىپ وتىرعانىن ايتتى.
كوشى-قون پروتسەسىندەگى بالالاردى قورعاۋ باعدارلاماسىنىڭ اياسىندا ەۋروپالىق وداق پەن يۋنيسەف قورى بانگلادەش, ميانما, قازاقستان, قىرعىزستان, تاجىكستان, وزبەكستان جانە تايلاند وسىنداي «بالاعا دوستىق» بولمەلەرىن اشقان.
