شقو باس سانيتار دارىگەرىنىڭ قاۋلىسىنا سايكەس, تۋريستىك-رەكرەاتسيالىق ايماقتاردا 1 ماۋسىمنان باستاپ كۇشەيتىلگەن سانيتارلىق-دەزينفەكتسيالىق رەجيمدى, تەرمومەتريانى, ماسكا رەجيمىن جانە الەۋمەتتىك قاشىقتى ساقتاي وتىرىپ, ادامداردى ورنالاستىرۋ جانە دەمالۋ ورىندارىنىڭ جازعى تۋريستىك ماۋسىمعا دايىندالۋىنا رۇقسات ەتىلدى.
«بۇقتىرما سۋ قويماسىنداعى, الاكولدەگى جانە «راحمان قاينارلارى» ساناتوريىندەگى دەمالىس بازالارى Ashyq جوباسىمەن جۇمىس ىستەيدى. «جاسىل» جانە «كوك» مارتەبەسى بار تۋريستەر دەمالىس ورىندارىنا بارا الادى. ال «سارى» جانە «قىزىل» مارتەبەسى بارلارعا وبلىستىڭ تۋريستىك ايماقتارىنا بارۋعا تىيىم سالىنعان», دەلىنگەن قۇجاتتا.
سونداي-اق تۇرعىندار اتالعان جوباسىز دا دەمالىس بازالارىنا بارا الادى. ول ءۇشىن بەرىلگەنىنە 72 ساعاتتان اسپاعان تەرىس ناتيجەسى بار پتر انىقتاما نەمەسە COVID-19 ينفەكتسياسىنا قارسى ۆاكتسينا العاندىعىن راستايتىن پاسپورت قاجەت.
