قوعام • 06 مامىر، 2021

قازاقستاندا سوعىس بالالارىنىڭ مارتەبەسى انىقتالدى ما؟

69 رەت كورسەتىلدى

سوعىس ارداگەرلەرىنىڭ قاتارى سيرەپ، بالالىق شاعى سوعىس جىلدارىنا تۋرا كەلگەن ازاماتتاردىڭ ءوزى 80 جاستى ەڭسەرىپ قالدى. ءبىز وسىعان دەيىن وسى ماسەلەنى كوتەرىپ، سوعىس بالالارىنىڭ مارتەبەسىن انىقتاۋدىڭ كەزى كەلگەنىن جازعانبىز. سەبەبى  قازاقستاندا كەيبىر پوستكەڭەستىك ەلدەردەن ايىرماشىلىعى سوعىس بالالارى ەرەكشە مارتەبەگە يە ەمەس جانە جاردەماقى المايدى. بالالىق شاعىن سوعىس ۇرلاعان ازاماتتار تىل ارداگەرلەرى ساناتىندا دا ەمەس.   ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ بۇگىن جۋرناليستەرمەن كەزدەسكەن كەزدە ولاردىڭ سوعىس ارداگەرلەرىمەن تەڭەستىرىلمەۋ سەبەبىن ء تۇسىندىردى، دەپ جازادى Egemen.kz

قازاقستاندا ءتيىستى زاڭدى قابىلداۋعا تالپىنىس جاسالدى 2011 جىلى سول كەزدەگى سەنات دەپۋتاتى حۋساين ۋاليەۆ ۇكىمەت باسشىسىنا ۇلى وتان سوعىسى عانا ەمەس، تىل ەڭبەككەرلەرى­نىڭ قاتارى دا سيرەپ كەلە جاتقانىن، «سوعىس ۋاقى­تىنداعى بالا­لار» اتتى الەۋمەتتىك سانات جوق ەكەنىن اي­تىپ، «سوعىس ۋاقى­تىنداعى بالالار جانە ولاردىڭ مارتەبەسى تۋرالى» زاڭ جوباسىن ازىرلەۋ، ونى قابىلداساق يگى دەگەن وي تاس­تاعان ەدى. بىراق بۇل ساۋال حابارسىز كەتتى.

ساراپشىلار قازىر 1936 جىلعا دەيىن تۋعانداردى سوعىس جانە تىڭ ارداگەرلەرى دەپ اتايتىنىمىزدى، جىل سايىن  وسى ساناتقا قوسىلاتىن ادامداردىڭ جاسىن جوعارىلاتۋعا بولاتىنىن ايتادى. ولاردىڭ پايىمىنشا، 1937-1945 جىلدارى تۋعان ازاماتتاردى دا وسى ساناتقا قوسۋعا بولادى. سوعىس ارداگەرلەرىنىڭ تەڭ جارتىسى ۇلكەن قالالاردا تۇرادى. 1937-1945 جىلدارى تۋعان ازاماتتاردىڭ قانشا ەكەنىن انىقتاۋ قيىن ەمەس.
پوستكەڭەستىك كەڭىستىكتەگى سوعىس بالاسىن ەكىنشى دۇنيەجۇزىلىك سوعىس كەزىندە تۋىلعان نەمەسە سوعىس اياقتالعان كەزدە ولار ءالى 18 جاسقا تولماعان ادامدار دەپ اتايدى. قازاقستاندا ۇلتتىق ستاتيستيكا بيۋروسىنىڭ مالىمەتتەرى بويىنشا 2020 جىلى 472 مىڭ ادام بولعان، ولاردىڭ بالالىق جانە جاستىق شاعى وسى جىلدارعا سايكەس كەلگەن.  ۋكراينادا «سوعىس بالاسى» تەرمينى زاڭنامادا بەكىتىلگەن. ولار جاردەماقى مەن زەينەتاقى ۇستەمەسىنە قۇقىلى.  قازاقستانداعى قولدانىستا جۇرگەن زاڭداردا «سوعىس بالالارى» ۇعىمى جانە ولار ءۇشىن الەۋمەتتىك جەڭىلدىكتەر قاراستىرىلماعان.  شىندىعىندا، ۇلى وتان سوعىسى جىلدارىندا ءبىزدىڭ ەلىمىزدىڭ اۋماعىندا تىكەلەي ۇرىس قيمىلدارى بولعان جوق »، دەدى ۆيتسە-مينيستر وكق-دا وتكەن ءباسپاسوز ءماسليحاتى بارىسىندا.  رەسەيدە  فەدەرالدىق زاڭناما دەڭگەيىندە «سوعىس بالالارى» ۇعىمى دا جوق، بىراق كەيبىر ايماقتاردا (مىسالى، امۋر، بەلگورود، پەنزا وبلىستارىندا) ولارعا زەينەتاقى تولەمدەرى بەرىلەدى.

«ەگەر ءبىز بەلارۋس رەسپۋبليكاسى مەن رەسەي فەدەراتسياسىنىڭ تاجىريبەسىن الاتىن بولساق، وندا ەڭ الدىمەن وسى كەزەڭدەگى جۇمىس تاجىريبەسىنە باسا نازار اۋدارىلادى.  قازاقستاندا بۇل ساناتتاعى ازاماتاردىڭ جالپى سانى  - 80 مىڭنان اسادى»، دەپ تولىقتىردى اۋكەنوۆ.

سوڭعى جاڭالىقتار

الەكسەي تسوي وتستاۆكاعا كەتە مە؟

قازاقستان • بۇگىن، 15:37

كەڭەستەردىڭ قىزمەت اياسى كەڭەيدى

قازاقستان • بۇگىن، 08:37

5 جىلدا – 2 ملرد اعاش

قازاقستان • بۇگىن، 08:36

ءسۇت زاۋىتىنداعى سىناق

ايماقتار • بۇگىن، 08:27

«قارا باۋىر قاسقالداق»

رۋحانيات • بۇگىن، 08:25

ەكىدىڭ ماڭىنداعى ەسكەرتكىشتەر

ايماقتار • بۇگىن، 08:22

ۇقساس جاڭالىقتار