مەملەكەت باسشىسىنا بيىلعى 4 اي ىشىندەگى اقشا-كرەديت ساياساتىن جۇزەگە اسىرۋدىڭ الدىن الا قورىتىندىلارى, كوروناۆيرۋس پاندەمياسىنىڭ ءۇشىنشى تولقىنى كەزىندەگى الەمدىك ەكونوميكانىڭ دامۋ پەرسپەكتيۆالارى, سونداي-اق, الەمدەگى ينفلياتسيانىڭ ءوسۋى مەن باسقا دا ينفلياتسيالىق ماسەلەلەر تۋرالى ەسەپ بەرىلدى.
پرەزيدەنتكە وسى جىلدىڭ ءساۋىر ايىندا قازاقستانداعى جىلدىق ينفلياتسيا مەن ونىڭ سۇرانىستى قالپىنا كەلتىرۋگە قاتىستى ازىق-ت ۇلىككە جاتپايتىن بولىگىندەگى ۇدەۋ قارقىنى جايىندا باياندالدى.
سونىمەن قاتار ەربولات دوساەۆ قاسىم-جومارت توقاەۆقا 2021 جىلدىڭ ءبىرىنشى توقسانىنداعى تولەم بالانسىنا بەرىلگەن الدىن الا باعا تۋرالى جانە بيىلعى 4 ايداعى التىن ۆاليۋتا قورىنىڭ ۇلعايۋى مەن ۇلتتىق قوردىڭ اكتيۆتەرىن باسقارۋ جونىندە ايتتى.
بۇدان بولەك كەزدەسۋدە مەملەكەت باسشىسىنا بيىلعى ءبىرىنشى توقساننىڭ قورىتىندىسى بويىنشا ەكونوميكانى نەسيەلەندىرۋ جانە دەپوزيتتەر كولەمىنىڭ ءوسىمى جايلى مالىمەت بەرىلدى, سونداي-اق, ازاماتتاردى زەينەتاقى جيناقتارىنىڭ جەتكىلىكتى دەڭگەيىمەن قامتاماسىز ەتۋ بويىنشا قابىلدانىپ جاتقان قوسىمشا شارالار ءسوز بولدى.
كەزدەسۋ قورىتىندىسى بويىنشا قاسىم-جومارت توقاەۆ بىرقاتار ناقتى تاپسىرما بەردى.
