قوعامدىق دەنساۋلىق ساقتاۋ ۇلتتىق ورتالىعىنىڭ ءباسپاسوز قىزمەتى حابارلاعانداي, بۇل جاعدايدا وسى ۆاكتسينانىڭ ءبىرىنشى جانە ەكىنشى كومپونەنتتەرىن ەنگىزۋ ارالىعى 45 كۇن بولۋى كەرەك. ەگەر 45-ءشى كۇنى ەكىنشى كومپونەنتتى ۆاكتسينالاۋ مۇمكىن بولماسا (دەمالىس, مەرەكە كۇندەرىنە سايكەس كەلۋ, باسقا ەلدى مەكەنگە كەتۋ جانە ت.ب.) 90 كۇن ىشىندە ۆاكتسينالاۋعا رۇقسات ەتىلەدى.
ۆاكتسينالاۋ كەستەسىنە قاتىستى بۇل ۇستانىم ۇلتتىق ەپيدەميولوگيا جانە ميكروبيولوگيا عىلىمي ورتالىعىنىڭ ديرەكتورى, پروفەسسور, رعا, گۋنزتسبۋرگ اكادەميگى ا.گامالەيدىڭ 2021 جىلعى 22 ساۋىردەگى مالىمدەمەسىنە نەگىزدەلگەن. ۆاكتسينولوگيا قاعيدالارى كوپ دوزالى العاشقى ۆاكتسينالاۋ سەرياسىنداعى دوزالار اراسىنداعى التى اپتالىق ارالىقتى قولدايدى. سونىمەن قاتار نەگىزگى جانە قوسىمشا دوزا اراسىنداعى ۇزاق الشاقتىق ۆ-جاسۋشاسىنىڭ جادىسىنىڭ جەتىلۋىنە مۇمكىندىك بەرەدى, ناتيجەسىندە جوعارى جانە تۇراقتى رەاكتسيا پايدا بولادى.
ءبىر رەتتىك دوزادان كەيىن باسقا كوپ دوزالى ۆاكتسينالاردى قولدانۋ تاجىريبەسى جاسوسپىرىمدەر مەن ەرەسەكتەردە التى ايعا نەمەسە ودان دا ۇزاققا سوزىلۋى مۇمكىن ەكەنىن كورسەتەدى (مىسالى, ا گەپاتيتى جانە ادامنىڭ پاپيللوما ۆيرۋسىنا قارسى ۆاكتسينالارى).
كوروناۆيرۋس ينفەكتسيالارىنا قارسى ۆاكتسينالار بويىنشا عىلىمي-زەرتتەۋلەر جالعاسۋدا. تيىمدىلىك بويىنشا دالەلدى بازاسى الىنعان جاعدايدا, قوسىمشا ۇسىنىستار ۇسىنىلاتىن بولادى.
سونىمەن The Lancet عىلىمي باسىلىمىندا 2021 جىلى 6 ناۋرىزدا AstraZeneca COVID-19 ۆاكتسيناسىنىڭ ۇلىبريتانيا, برازيليا جانە وڭتۇستىك افريكا جۇرگىزىلگەن ءۇش قاراپايىم سوقىر راندوميزاتسيالانعان باقىلانبالى زەرتتەۋ ناتيجەسى نەگىزىندە دوزالار اراسىنداعى ارالىقتى ارتتىرعان جاعدايدا تيىمدىلىگى تۋرالى اقپارات جاريالاندى.
زەرتتەۋ ناتيجەلەرىنە سايكەس ۆاكتسينانىڭ تيىمدىلىگى, ەگەر ەكىنشى ۆاكتسينا 12 اپتادان نەمەسە ودان كەيىن جاسالسا, ۆاكتسينا 81,3% قۇرايدى. سونىمەن قاتار ۆاكتسينانىڭ تيىمدىلىگى, ەگەر ەكى دوزانىڭ اراسىنداعى ارالىق تەك 14 كۇن بولسا, 66,7% قۇرايدى. الەمدە كوروناۆيرۋس ينفەكتسياسىنا قارسى جاپپاي ۆاكتسينالاۋ جۇرگىزگەننەن باستاپ, بۇل تاجىريبە كوپتەگەن ەلدە كوروناۆيرۋس ينفەكتسياسىنا قارسى باسقا ۆاكتسينالارعا قاتىستى قولدانىلدى. بۇگىندە ۇلىبريتانيا الىنعان عىلىمي مالىمەتتەرىنە سۇيەنە وتىرىپ, ۆاكتسينالارعا ارنالعان ەكپە ەگۋ جوسپارىن وزگەرتتى (Pfizer BioNTech/وكسفورد ۋنيۆەرسيتەتىمەن جانە AstraZeneca-مەن بىرلەسىپ). ەگەر بۇرىن ۆاكتسينانىڭ ەكىنشى دوزاسىن بىرىنشىسىنەن 21 كۇن وتكەن سوڭ سالۋ جوسپارلانعان بولسا, قازىر ارالىق مەرزىمى ءۇش ايعا دەيىن سوزىلدى. فرانتسيادا مرنق ەكپەسى اراسىنداعى (BioNTech/Pfizer جانە Moderna كومپانياسى) 2021 جىلدىڭ 14 ساۋىرىنەن باستاپ 4 اپتانىڭ ورنىنا 6 اپتاعا دەيىن ۇلعايتىلدى. رەسمي دەرەكتەرگە سايكەس يرلانديانىڭ دەنساۋلىق ساقتاۋ ءمينيسترى جاقىن كۇندەرى Covid-19 ۆاكتسيناسىنىڭ ءبىرىنشى جانە ەكىنشى دوزالارى اراسىنداعى ارالىقتى ءتورت اپتادان 12 اپتاعا دەيىن ۇزارتۋدى جوسپارلاپ وتىر. كوروناۆيرۋس ينفەكتسياسىنا قارسى ۆاكتسينالاۋدى وسى جىلدىڭ 25 اقپانىندا باستاعان ۋكراينانىڭ دەنساۋلىق ساقتاۋ مينيسترلىگى CoviShield ۆاكتسيناسىمەن ەكى ەكپەسىنىڭ ارالىعىن ۇلتتىق تەحنيكالىق ساراپشىلار توپتارىنىڭ ۇسىنىستارى بويىنشا 28 كۇننەن 90 كۇنگە دەيىن ارتتىردى, بۇل سونىمەن قاتار 4-12 اپتادان كەيىن ەكىنشى دوزانى ەنگىزۋدى كوزدەيتىن ءوندىرۋشىنىڭ نۇسقاۋلارىنا قايشى كەلمەيدى.
سونىمەن كوروناۆيرۋس ينفەكتسياسىنا قارسى ۆاكتسينالاردىڭ تيىمدىلىگىن زەردەلەۋ بويىنشا الىنعان عىلىمي-زەرتتەۋ دەرەكتەرى جانە الەمنىڭ كوروناۆيرۋس ينفەكتسياسىنا قارسى ۆاكتسينالاۋ تاجىريبەسى ەكى دوزالى ۆاكتسينانىڭ العاشقى دوزاسى كۆي مەن اۋرۋحاناعا جاتقىزۋ وقيعالارىنىڭ تومەندەۋىنە وڭ اسەر ەتەتىنىن راستايدى. سونىمەن بىرگە ەكىنشى دوزانى كەيىنىرەك 45 كۇننەن 90 كۇنگە دەيىن جۇرگىزۋ يممۋندىق قورعانىستىڭ ۇزاقتىعىن قامتاماسىز ەتەدى.
