وڭىردە ۇيىمداستىرىلعان جالپىحالىقتىق سەنبىلىككە شاھار جۇرتى ءبىر كىسىدەي بەلسەندى قاتىستى. اۋقىمدى شاراعا وبلىس اكىمى ەربول قاراشوكەەۆ تە ۇلەس قوسىپ, وبلىس جۇرتشىلىعىنىڭ ەكولوگيالىق مادەنيەتىن قالىپتاستىرۋدا اتالعان اكتسيانىڭ ورنى ەرەكشە ەكەنىن اتاپ ءوتتى.
«مەملەكەت باسشىسى اتاپ وتكەندەي, بۇگىندە پاتريوتيزم ناقتى ىستەن, اركىمنىڭ جەكە جاۋاپكەرشىلىگىنەن كورىنىس تابادى. «تازا قازاقستان» ەكولوگيالىق اكتسياسى تۇرعىنداردىڭ بويىندا تۋعان جەرگە دەگەن قۇرمەتتى ارتتىرىپ, قورشاعان ورتاعا جاۋاپكەرشىلىكپەن قاراۋدى قالىپتاستىرادى», دەدى ە.قاراشوكەەۆ.
جالپى سانى 600-گە جۋىق ادام قاتىسقان ەكولوگيالىق اكتسيا اياسىندا تاراز قالاسىنا قاراستى «قىزىلاباد» تۇرعىن الابىندا 10 مىڭ قارا تال ەگىلدى. جاۋاپتى تۇلعالاردىڭ ايتۋىنشا, مۇنداعى جۇمىس بىررەتتىك ءىس-شارامەن توقتاپ قالماق ەمەس. بيىل بۇل اۋماقتا 20 مىڭ ءتۇپ كوشەت وتىرعىزۋ جوسپارلانعان. قالعان 10 مىڭ كوشەت كۇز مەزگىلىندە ەگىلەدى. بۇدان بولەك, تاراز جۇرتى «قاراسۋ-2» كانالىنىڭ بويىنداعى تازارتۋ جۇمىسىنا قاتىسىپ, تۇرمىستىق قالدىقتى جينادى.
تازالىق جۇمىسى جامبىل, سارىسۋ اۋداندارىندا دا ءوتتى. ء«مولدىر بۇلاق» اكتسياسى اياسىندا وتكىزىلگەن سەنبىلىككە جەرگىلىكتى تۇرعىندار بەلسەندى قاتىستى. اكتسيانىڭ ماقساتى – تابيعي سۋ كوزدەرىن قورعاۋ, بۇلاق پەن وزەن-كولدى قوقىستان تازارتۋ, سونداي-اق جاستاردىڭ بويىندا تابيعاتقا جاناشىرلىق پەن ەكولوگيالىق مادەنيەتتى قالىپتاستىرۋ.
سارىسۋ اۋدانىنداعى سەنبىلىك تۇركىستان اۋىلدىق وكرۋگىنە قاراستى «كوسەگەنىڭ كوك جونى» اۋماعىندا ۇيىمداستىرىلدى. ءىس-شاراعا سارىسۋ اۋدانىنىڭ اكىمى ساكەن مامىتوۆ, اۋداندىق ارداگەرلەر جانە قوعامدىق كەڭەس مۇشەلەرى, ەتنوس وكىلدەرى مەن جاستار اتسالىستى. قاتىسۋشىلار الدىمەن «قامىر اۋليە» كەسەنەسىنە زيارات ەتىپ, قۇران باعىشتادى.
جامبىل اۋدانىندا ەكولوگيالىق اكتسيا ايشا ءبيبى اۋىلدىق وكرۋگىنە قاراستى اۋليەكول اۋماعىندا ءوتتى. ءىس-شارا بارىسىندا بۇلاق كوزى اشىلىپ, اينالاسى اباتتاندىرىلدى, سونداي-اق اعاش وتىرعىزىلدى. دەرەككوزدەرگە جۇگىنسەك, بۇل اۋماقتا ىلگەرىدە 11 بۇلاق كوزى بولعان. سونىڭ ءبىرى قايتا اشىلىپ, ەل يگىلىگىنە بەرىلدى. اۋىل تۇرعىندارىنىڭ ايتۋىنشا, بۇل باستاما ءوڭىردى كوگالداندىرۋعا, ءتورت ت ۇلىكتىڭ جايىلىمىن جاقسارتۋعا وڭ ىقپال ەتەدى.
«ەكولوگيالىق ءىس-شاراعا اسىرەسە جاستاردىڭ بەلسەندىلىك تانىتىپ جاتقانى كوڭىل قۋانتادى. ەلىمىزدىڭ, ءوڭىرىمىزدىڭ تازا ءارى جاسىل ايماققا اينالعانىن ءبارىمىز قۇپتايمىز. وسى باعىتتاعى جۇمىستىڭ ۇزدىكسىز جالعاساتىنىنا سەنەمىز. بۇل قادام تۇرعىنداردىڭ بويىندا ەكولوگيالىق مادەنيەتتى قالىپتاستىرۋعا ايتارلىقتاي ىقپال ەتەدى», دەيدى بەلسەندى جاستىڭ ءبىرى جاقسىلىق گاۋحاربەك.
سونداي-اق ءدال وسىنداي اكتسيا جۋالى اۋدانىندا دا ۇيىمداستىرىلدى. اۋدان تۇرعىندارى ش.مۇرتازا اتىنداعى ساياباقتا, جاستار ساياباعىندا, تالاپتى اۋىلىندا كوگالداندىرۋ, تازالىق جۇمىسىن جۇرگىزدى. جالپى, اۋداندا سانيتارلىق تازالىقتى قامتاماسىز ەتۋ باعىتىندا جۇيەلى جۇمىس قولعا الىنعان. جىل باسىنان بەرى جۋالى اۋدانىندا بىرنەشە سەنبىلىك ۇيىمداستىرىلدى. ەلدى مەكەندەردەگى ارىق جۇيەلەرى تازارتىلىپ, 460 توننا كۇل-قوقىس شىعارىلدى.
جامبىل وبلىسى
