فوتو: الماتى قالاسىنىڭ اكىمدىگى
قالا اكىمدىگىنىڭ مالىمەتىنشە, جىل باسىنان بەرى شاھاردا رەتسىز ساۋدانىڭ 45 وشاعى انىقتالعان. وندا 1211 ادام ساۋدا جاساعان.
«بۇگىندە ولاردىڭ 27-ءسى جويىلىپ, جوسپارلانعان جۇمىستىڭ 60 پايىزى ورىندالدى. ازىرگە جويىلماعان ساۋدا ورىندارىنىڭ باسىم بولىگى ءىرى بازارلاردىڭ ماڭىندا, سونىڭ ىشىندە «باراحولكا» اۋماعىندا ورنالاسقان. سونىمەن قاتار مەملەكەتتىك جەر قورىنداعى 516 زاڭسىز ساۋدا نىسانى انىقتالىپ, ونىڭ 413-ءى ءسۇرىلدى. قالعان 103 نىسان بويىنشا ءتيىستى جۇمىستار جالعاسىپ جاتىر», دەلىنگەن اكىمدىك حابارلاماسىندا.
ەسكە سالا كەتەيىك, بۇعان دەيىن الماتى قالاسىندا بىرقاتار زاڭسىز سالىنعان دۇكەندەر مەن اۆتوسەرۆيس نىساندارى سۇرىلگەن ەدى.
