فوتو: istockphoto.com
سوعان قاراماستان, تەگەران بۇعازعا كەلگەن كەمەلەر الدىن الا ءوتىنىم بەرىپ, ءجۇرۋ باعىتى مەن بۇعازدان ءوتۋ ۋاقىتىن كورسەتۋگە مىندەتتى ەكەنىن مالىمدەدى. يران تاراپى بۇل تالاپ تەڭىزدەگى قاۋىپسىزدىكتى قامتاماسىز ەتۋ ءۇشىن ەنگىزىلگەنىن مالىمدەدى.
بۇعان قوسا تەگەران ءبىر اي ىشىندە ورمۇز بۇعازىنىڭ اكۆاتورياسىن مينالاردان تازالاپ, كەمە قاتىناسىنا كەدەرگى كەلتىرەتىن بارلىق بوگەتتەردى جويۋعا مىندەتتەمە الدى.
كەلىسىمگە سايكەس, اقش تەڭىز بلوكاداسىن توقتاتقانىن جاريالادى. پەنتاگون مالىمەتىنشە, كەلىسىلگەن مەرزىمدە امەريكالىق اسكەري كۇشتەردىڭ پارسى مەن ومان شىعاناقتارىنداعى كەمەلەردىڭ قوزعالىسىنا كەدەرگى كەلتىرمەيدى.
ەسكە سالا كەتەيىك, بۇعان دەيىن ەل بيلىگى پارسى شىعاناعىنداعى ستراتەگيالىق ماڭىزى بار پورت اۋماعىنان جەر تەلىمىن الاتىنىن حابارلاعان بولاتىن. كەلىسىمگە سايكەس قازاقستان يراندىق تاراپقا كاسپي تەڭىزىندەگى اقتاۋ مەن قۇرىق پورتتارىنىڭ ينفراقۇرىلىمىن پايدالانۋعا مۇمكىندىك بەرەدى.
