فوتو: istockphoto.com
ۆيتسە-ءمينيستردىڭ ايتۋىنشا, بۇل شەشىم جىلىتۋ ماۋسىمىنان كەيىنگى گاز ينفراقۇرىلىمىن جاڭارتۋ قاجەتتىلىگىنە بايلانىستى قابىلدانعان.
«وزگەرىس تەك كوتەرمە باعالارعا قاتىستى بولىپ وتىر. بۇل باعىتتا ورتاشا ءوسىم 33 پايىزدى قۇرايدى, وڭىرلەر بويىنشا ناقتى ءبولىنىسى بار. بۇل سالانى ينۆەستيتسيالىق تۇرعىدان تارتىمدى ەتۋىمىز كەرەك», دەدى ول.
قاشاعاندا قۋاتتىلىعى 2,5 ملرد تەكشە مەتر بولاتىن گاز وڭدەۋ زاۋىتى سالىنادى
ۆيتسە-مينيستر گاز باعاسىن كوتەرۋ ينفلياتسيالىق جانە ەكونوميكالىق فاكتورلارمەن دە بايلانىستى ەكەنىن اتاپ ءوتتى. سونىمەن قاتار مينيسترلىك وكىلى كوتەرمە باعانىڭ ءوسۋى تاريفتەردىڭ بىردەن قىمباتتاۋىنا اكەلمەيتىنىن ايتتى.
«تۇرعىندار ءۇشىن قانداي دا ءبىر كۇرت ءوسىم كۇتىلمەيدى. بۇل ماسەلە مينيسترلىكتىڭ باقىلاۋىندا», دەدى قايىرحان تۇتقىشباەۆ.
ايتا كەتەيىك, بۇعان دەيىن ۇلتتىق ەكونوميكا ۆيتسە-پرەمەرى سەرىك جۇمانعارين ەلدە جىلۋ مەن سۋ تاريفتەرىنىڭ وسۋىنەن كەيىن گاز جانە تەمىرجول تاسىمالى باعالارى دا قىمباتتايتىنىن حابارلاعان ەدى.
