ەنەرگەتيكا مينيسترلىگىنىڭ مالىمەتىنشە, 2026 جىلدىڭ قورىتىندىسى بويىنشا گازداندىرۋ دەڭگەيىن 64,3 پايىزعا دەيىن جەتكىزۋ جوسپارلانىپ وتىر. وسىعان بايلانىستى ەلىمىزدە گازداندىرۋ باعىتىندا 40 جوبا ىسكە اسىرىلعان. اتالعان جوبالاردىڭ ناتيجەسىندە 10 ەلدى مەكەندەگى 32 مىڭنان استام تۇرعىن تابيعي گازعا قول جەتكىزەدى. جوبالار اقتوبە, باتىس قازاقستان, جامبىل, قاراعاندى, قوستاناي, قىزىلوردا, ماڭعىستاۋ, تۇركىستان وبلىستارىن, سونداي-اق ۇلىتاۋ جانە جەتىسۋ وبلىستارىن قامتيدى.
سونىمەن قاتار ەل اۋماعىندا «بەينەۋ – بوزوي – شىمكەنت» ماگيسترالدىق گاز قۇبىرىنىڭ ەكىنشى جەلىسىنىڭ ءبىرىنشى كەزەڭىنىڭ قۇرىلىسى جالعاسىپ جاتىر. بۇل باعىتتا جىل سوڭىنا دەيىن جىلدىق وتكىزۋ قۋاتى 10 ميلليارد تەكشە مەتردى قۇرايتىن گاز قۇبىرىنىڭ جەلىلىك بولىگىن اياقتاۋ جوسپارلانعان.
نۇربولات امانبەك
