29-30 ءساۋىر كۇندەرى باتكەن وبلىسىنداعى قىرعىز-تاجىك شەكاراسىندا قارۋلى قاقتىعىس ورىن الدى. وقيعا سالدارىنان كوپتەگەن سارباز قازا تاپتى, اراسىندا بەيبىت تۇرعىندار بار سونداي-اق, زارداپ شەككەندەردىڭ دە سانى كوپ.
«وسىلايشا قازا بولعانداردىڭ تۋىستارى مەن جاقىندارىنا قايعىرىپ كوڭىل ايتامىن جانە قاۋلى ەتەمىن:
-قىرعىزستان رەسپۋبليكاسىندا 2021 جىلدىڭ 1 جانە 2 مامىر كۇندەرى ۇلتتىق ازا تۇتۋ كۇنى دەپ بەلگىلەنسىن;
-ۇلتتىق ازا تۇتۋ كۇندەرى ەلدىڭ بۇكىل اۋماعىندا, سونىمەن قاتار شەتەلدەگى ديپلوماتيالىق جانە كونسۋلدىق مەكەمەلەردە قىرعىز رەسپۋبليكاسىنىڭ مەملەكەتتىك تۋى ءتۇسىرىلسىن;
-مادەنيەت مەكەمەلەرى جانە تەلەراديوكومپانيالارعا ۇلتتىق ازا تۇتۋ كۇندەرى ويىن-ساۋىق شارالار مەن باعدارلامالاردى تاراتپاۋ ۇسىنىلسىن;
-قىرعىز رەسپۋبليكاسىنىڭ ۇكىمەتىنە جەرگىلىكتى ءوزىن-ءوزى باسقارۋ ورگاندارىمەن بىرلەسىپ قازا بولعانداردىڭ وتباسىلارى مەن زارداپ شەككەندەرگە ءتيىستى كومەك كورسەتىلسىن», دەدى قىرعىستان پرەزيدەنتى.
قىرعىز ەلىنىڭ دەنساۋلىق ساقتاۋ مينيسترلىگىنىڭ سوڭعى مالىمەتتەرى بويىنشا, قارۋلى قاقتىعىس سالدارىنان 31 ادام قازا تاۋىپ, 154 ادام زارداپ شەككەن.
