جول اپاتى سەرىكوۆ پەن قازىباەۆ كوشەلەرىنىڭ قيىلىسىندا بولعان. جۇك كولىگىنىڭ جۇرگىزۋشىسى قازىباەۆ كوشەسىمەن وڭتۇستىك باعىتتا ءجۇرىپ كەلە جاتقان. ت سيپاتىنداعى جولدار وراماسىندا ول سولعا بۇرىلماق بولعان. وسى كەزدە سەرىكوۆ كوشەسى بويىمەن كەلە جاتقان جولاۋشىلار اۆتوبۋسى باتىسقا قاراي كەتىپ بارا جاتقان.
Mercedes جۇرگىزۋشىسىنىڭ ايتۋىنشا, اۆتوبۋستىڭ وڭعا بۇرىلۋ بەلگىسى قوسىلعان. ەر ادام اۆتوبۋس قازىباەۆقا بۇرىلادى دەپ ويلاپ, مانەۆر جاساي باستايدى. الايدا, اۆتوبۋس تىكە جۇرە بەرەدى. سالدارىنان جۇك كولىگىنىڭ جۇرگىزۋشىسى توقتاپ ۇلگەرمەي, اۆتوبۋسقا سوعىلعان.
جول اپاتىنان اۆتوبۋستىڭ بەس جولاۋشىسى زارداپ شەكتى. جۇرگىزۋشى مەن ءۇش جولاۋشى اۋرۋحاناعا جاتقىزىلدى. دارىگەرلەر بەسىنشى زارداپ شەگۋشىنى وقيعا ورنىندا تەكسەرىپ, بوساتتى.
پوليتسيا اپاتتىڭ ءمان-جايىن انىقتاپ جاتىر.
