پوليگوندا ءورت شىققاندىعى تۋرالى حابارلاما 19-ساۋىردە 14:00 شاماسىندا وبلىستىق تجد بولىمشەسىنە تۇسكەن. كورسەتىلگەن اۋماققا ءورت سوندىرۋشىلەر دەرەۋ جەتىپ, پوليگونداعى بىرنەشە جەردەن ءورت وشاعىن انىقتاعان.
ء«ورتتى سوندىرۋگە اۆتوتسيستەرنا, ەكى موتوپومپا جانە تجد بولىمشەلەرىنىڭ 10 ادامى, سونداي-اق جەرگىلىكتى اتقارۋشى ورگاندار مەن قۇرالدارى جۇمىلدىرىلعان. ءورت شىققان اۋماق شامامەن 900 شارشى مەتر بولادى. سونىمەن قاتار بيىكتىگى 3 مەتردەن اساتىن قوقىس ۇيىندىسىندەگى ءورتتى سوندىرۋگە اۋا-رايى كەدەرگى بولدى», دەدى وبلىستىق تجد وكىلدەرى.
دوسكەي اۋىلىنىڭ تۇرعىندارى ورتتەن شىققان وتكىر يىسكە شاعىمداندى. اۋىل تۇرعىندارى بۇل پوليگونداعى العاشقى ءورت ەمەس ەكەندىگىن ايتادى. ولار پوليگوندى جاۋىپ, قوقىس توگەتىن اۋماقتى اۋىلدان الىس اكەتۋىن سۇرايدى.
گاۋحار قاپاش
