سپورت • 19 ءساۋىر، 2021

پولشادا 13 بوكسشىمىز قارسىلاستارىن جايپاپ كەلەدى

268 رەت كورسەتىلدى

بۇل كۇندەرى پولشانىڭ كەلتس قالاسىندا ءوتىپ جاتقان جاستار اراسىنداعى الەم بىرىنشىلىگىنىڭ شيرەك فينالىنا شىققان بوكسشىلار تولىقتاي انىقتالدى.

60 كيلو سالماقتا سىنعا تۇسكەن ەلنۇر ءسۇيىنباي سلوۆاكيالىق ادولف ستانەكتى ساباپ تاستادى. تورەشى كەزدەسۋدى ءبىرىنشى راۋندتا توقتاتۋعا ءماجبۇر بولدى. 75 كيلو سالماقتاعى دياس مولجىگىتوۆ ۆەنەسۋەلالىق دجەرەمي الەكساندر الۆارەس لەوندى باسەكەنىڭ باسىنان اياعىنا دەيىن تومپەشتەپ، كەلەسى كەزەڭگە ەش قينالماي ءوتتى. ال سانجار تاشكەنباي (49 كيلو)، ەربولات سابىر (56 كيلو)، سابىرجان اققالىقوۆ (64 كيلو) جانە ءمادي ءامىروۆ (91 كيلو) سىندى سايىپقىراندار ءوز جەكپە-جەكتەرىن ايقىن جەڭىسپەن اياقتاعانى جايىندا ءبىز بۇعان دەيىن دە جازعانبىز. ءسويتىپ، ۇلدار سايىسىندا التى ورەنىمىز شيرەك فينالعا شىقتى.

قىزدار اراسىنداعى باسەكەدە اسا اۋىر سالماقتاعى ەلدانا ءتالىپوۆا ۋكراينالىق ۆيكتوريا لەۆچۋكتى ەكىنشى راۋندتا ەسىنەن تاندىرىپ، جارتىلاي فينالعا جولداما الدى. سونداي-اق، وسى جارىسقا قاتىسقان 10 ارۋىمىزدىڭ تاعى التاۋى ءوز قارسىلاستارىن قاپى قالدىردى.   

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار