قوعام • 17 ءساۋىر، 2021

نۇر-سۇلتاندا تج دەپارتامەنتى مەن يندۋستريالىق پارك زاۋىتتارىنىڭ قىزمەتكەرلەرى ۆاكتسينا قابىلدادى

12 رەت كورسەتىلدى

نۇر-سۇلتان قالاسىندا تج دەپارتامەنتىنىڭ قىزمەتكەرلەرى مەن يندۋستريالىق پارك زاۋىتتارىنىڭ قىزمەتكەرلەرى COVID-19 ينفەكتسياسىنا قارسى ۆاكتسيناتسيالاۋدان ءوتتى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ ۇيىمداستىرۋىمەن ءموبيلدى توپتار اتالمىش مەكەمەلەردىڭ جۇمىس ورنىنا بارىپ، قىزمەتكەرلەرىن ۆاكتسيناتسيالاۋدان وتكىزىپ جاتىر. قاۋىپسىزدىك ءۇشىن COVID-19 ۆاكتسيناسىن العىسى كەلەتىندەرگە جەكە كابينەت ۇيىمداستىرىلدى. ال جۇرتتىڭ ءبىر ورىنعا جينالۋىن بولدىرماس ءۇشىن قاتاڭ قابىلداۋ كەستەسى جاسالدى.

ء«موبيلدى توپتاردىڭ كەلۋى جۇمىسىمىزدى جەڭىلدەتەدى. سەبەبى زاۋىت قىزمەتكەرلەرىنىڭ كوبىسى جۇمىس ورنىندا ۆاكتسينا قابىلداعىسى كەلەدى. جۇمىس بەرۋشىگە جانە قىزمەتكەرلەرگە جۇمىسىن توقتاتپاي بىردەن ۆاكتسينا سالعانى وتە ىڭعايلى»،  دەپ ءتۇسىندىردى №14 قالالىق ەمحانا مەڭگەرۋشىسىنىڭ ورىنباسارى ەسبول وماروۆ.

ۆاكتسينالاۋدان بۇرىن ماماندار مىندەتتى مەديتسينالىق تەكسەرۋدەن وتەدى، كوروناۆيرۋسقا قارسى ۆاكتسينانى الۋ الگوريتمى تۇسىندىرىلەدى.

ۆاكتسينانىڭ العاشقى كومپونەنتىن العان نيكولاي بابابين، لوكوموتيۆ قۇراستىرۋ زاۋىتى زاۋىتتىڭ جۇمىسشىسى: "ناۋقاستاردىڭ سانىندا بولعانىمشا، ۆاكتسيناتسيالانعانداردىڭ قاتارىندا بولعانىم جاقسى"،  دەدى.

دارىگەرلەر ۆاكتسيناتسيا مەن ۇجىمدىق يممۋنيتەتتى كوروناۆيرۋستىڭ الدىن الۋدىڭ ءتيىمدى جولى دەپ سانايدى. ونى دامىتۋ ءۇشىن ەرەسەك تۇرعىنداردىڭ كەم دەگەندە 60%-ىن ەگۋ كەرەك.

ءوز كەزەگىندە نۇر-سۇلتان قالاسىنىڭ تج دەپارتامەنتىنىڭ قىزمەتكەرلەرى دە ۇجىمدىق ۆاكتسيناتسيالاۋدان ءوتىپ جاتىر.
جاپپاي ەگۋدى وتكىزۋ ءۇشىن №3 قالالىق ەمحانانىڭ كوشپەلى مەدپەرسونال بريگاداسى اتتاندى.

ەكپەدەن كەيىن شاعىمدار بولعان جوق. 21 كۇننەن كەيىن ۆاكتسيناتسيانىڭ ەكىنشى كەزەڭى وتەدى. ال تج دەپارتامەنتىندە 100-دەن استام ادام كۆي-گە قارسى ۆاكتسيناتسيادان ءوتتى.

بۇگىندە ەلوردالىق بىرقاتار ۆەدومستۆولار مەن كاسىپورىنداردىڭ قىزمەتكەرلەرى ۆاكتسيناتسيادان ءوتتى. قالادا بارلىعى 55 مىڭنان استام ادام ۆاكتسينا الدى.

تەك جاپپاي يممۋنداۋ جانە ۇجىمدىق يممۋنيتەت بارىمىزگە شەكتەۋسىز، قالىپتى ومىرگە ورالۋعا مۇمكىندىك بەرەدى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار