حان شاتىر» ساۋدا, ويىن-ساۋىق ورتالىعىندا قالا تۇرعىندارىن كوروناۆيرۋسقا قارسى ەگۋ پۋنكتى اشىلدى. وسى دەمالىس كۇندەرى تەستىلىك رەجيمدە سوو ۇجىمىن ۆاكتسينا الادى. ال دۇيسەنبىدەن باستاپ (19 ءساۋىر) ازاماتتار دا ەكپە الا الادى. ۆاكتسيناتسيا پۋنكتى گيپەرماركەتتىڭ جانىنداعى ءبىرىنشى قاباتتا ورنالاسقان. سوو-دا ۆاكتسيناتسيالاۋعا نيەت بىلدىرۋشىلەردى قابىلداۋ كەستەسى ساعات 10:00-دەن 22:00-گە دەيىن.
بۇعان دەيىن ۆاكتسيناتسيا پۋنكتى "Mega Silk Way"سوو-دا ىسكە قوسىلدى. سونداي-اق "Keruen", "ابۋ-دابي پلازا" ساۋدا, ويىن-ساۋىق ورتالىقتارى دايىن. قاجەت بولعان جاعدايدا قالاداعى قوناقۇيلەر دە ىسكە قوسىلادى.
بۇگىن ەمحانالارىمىزدا بولىپ, ەگۋ پۋنكتتەرىنىڭ جۇمىسىن ساپالى ۇيىمداستىرۋ جونىندە بىرقاتار تاپسىرمالار بەردىم. العاشقى مەديتسينالىق-سانيتارلىق كومەك ۇيىمدارىندا ۆاكتسيناتسيالاۋ پۋنكتتەرىنىڭ سانى 36-دان 100-گە دەيىن ارتتى. جۇمىس ۋاقىتى ساعات 8:00-دەن 24:00-گە دەيىن ۇزارتىلدى.
سونىمەن قاتار ەڭبەك ۇجىمدارىن ۆاكتسيناتسيامەن قامتۋ ءۇشىن كوشپەلى مەديتسينالىق بريگادالار قۇرىلدى. قالادا بارلىعى 55 مىڭنان استام ادام ۆاكتسينا الدى.
جاپپاي ۆاكتسيناتسيالاۋ ارقىلى عانا ۇجىمدىق يممۋنيتەتتى قالىپتاستىرا الامىز. بۇل ءوزىڭىزدى جانە اينالاڭىزداعى ادامداردى قورعاۋعا, قالىپتى ومىرگە ورالۋعا مۇمكىندىك بەرەدى», دەپ جازدى ەلوردا اكىمى.
