قازاقستان • 16 ءساۋىر، 2021

تەمىرجول يندۋسترياسىنىڭ الەمدىك كوشباسشىسى قازاقستانمەن ىنتىماقتاستىققا نيەتتى

12 رەت كورسەتىلدى

قازاقستاننىڭ فرانتسياداعى ەلشىسى جان عاليەۆ Alstom توبىنىڭ اعا ۆيتسە-پرەزيدەنتى فيليپپ دەلليورمەن جانە افريكا، تاياۋ شىعىس جانە ورتالىق ازيا ەلدەرى بويىنشا باسقارۋشىسى ەندريۋ دەلەونمەن كەزدەسۋ وتكىزدى، دەپ حابارلايدى Egemen.kz.

كەلىسسوزدەر بارىسىندا تەمىرجول يندۋسترياسىنىڭ الەمدىك كوشباسشىسىنىڭ وكىلدەرى نۇر-سۇلتانداعى ەلەكتروۆوزدار شىعاراتىن زاۋىت توپتىڭ جاھاندىق ستراتەگياسىندا ماڭىزدى ورىنعا يە ەكەنىن اتاپ ءوتتى. ە. دەلەوننىڭ ايتۋىنشا، بۇل نىساننىڭ ەرەكشەلىگى ىنتىماقتاستىق جىلدارىنداعى ءىرى ينۆەستيتسيالاردان بولەك، تەحنولوگيالار ترانسفەرتىنىڭ جۇزەگە اسىرىلىپ، ءوندىرىستىڭ ءبىر بولىگى لوكاليزاتسيالانىپ، جەرگىلىكتى كادرلاردى وقىتۋ مۇمكىندىگىندە. جالپى، زاۋىت 500-دەن استام جۇمىس ورنىن قامتاماسىز ەتەدى.

slider

وتاندىق ديپلومات سۇحباتتاسۋشىلارعا «جاسىل» تەحنولوگيالار فرانتسيامەن ستراتەگيالىق ارىپتەستىگىمىزدىڭ باسىم باعىتتارىنىڭ قاتارىندا ەكەنىن ايتىپ، جاقىندا فرانتسيادا پايدالانۋعا بەرىلگەن سۋتەگىمەن جۇرەتىن پويىزداردى پايدالانۋدى قوسا العاندا، ەكولوگيالىق تازا كولىكتى دامىتۋ پەرسپەكتيۆاسىن اتاپ ءوتتى. مۇنداي قۇرامداردىڭ دەربەستىگى 1000 كم-دەن اسۋى مۇمكىن، بۇل قازاقستانداعى سياقتى جولداردىڭ ۇزىن ۋچاسكەلەرى ءۇشىن وزەكتى.

سونداي-اق، ج. عاليەۆ Alstom-عا قازاقستانداعى كرۋيزدىك پويىز جوباسىنا قاتىسۋ يدەياسىن قاراستىرۋدى ۇسىندى.

كەزدەسۋ سوڭىندا ف. دەلليور Alstom-نىڭ ەلىمىزبەن ۇزاق مەرزىمدى ىنتىماقتاستىققا دايىندىعىن اتاپ ءوتتى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار