قوعام • 14 ءساۋىر، 2021

تمد ەلدەرىنىڭ اۋە شابۋىلىنا قارسى قورعانىس ماسەلەسى تالقىلاندى

12 رەت كورسەتىلدى

دۋشانبە قالاسىندا تمد-عا مۇشە مەملەكەتتەردىڭ قورعانىس مينيسترلەرى كەڭەسى جانىنداعى اۋە شابۋىلىنا قارسى قورعانىس ماسەلەلەرى جونىندەگى ۇيلەستىرۋ كوميتەتىنىڭ وتىرىسى جانە دوستاستىق ەلدەرى قارۋلى كۇشتەرىنىڭ اۋە شابۋىلىنا قارسى قورعانىس اسكەرلەرىنىڭ قولباسشىلارىمەن وقۋ-ادىستەمەلىك جيىن ءوتتى، دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

وتىرىستا 2021 جىلى تمد-عا مۇشە مەملەكەتتەرى اۋە شابۋىلىنا قارسى قورعانىس بىرلەسكەن جۇيەسىنىڭ جەدەل جانە جاۋىنگەرلىك دايارلىقتىڭ بىرىككەن ءىس-شارالارىن وتكىزۋ تۋرالى ۇسىنىستار تالقىلاندى.

قازاقستان اۋە قورعانىسى كۇشتەرىنىڭ باس قولباسشىسى اۆياتسيا گەنەرال-لەيتەنانتى نۇرلان ورمانبەتوۆ اۋە شابۋىلىنا قارسى قورعانىس اسكەرلەرىنىڭ «جاۋىنگەرلىك باۋىرلاستىق – 2021» بىرلەسكەن وقۋ-جاتتىعۋىن وتكىزۋ ءمانىسى بويىنشا بايانداما وقىدى.

«جاۋىنگەرلىك باۋىرلاستىق» وقۋ-جاتتىعۋى ەكى جىلدا ءبىر رەت تمد اشقق بىرىككەن جۇيەسىندەگى جاۋىنگەرلىك ازىرلىك دەڭگەيىن ارتتىرۋ ماقساتىندا وتكىزىلەدى.

وقۋ-ادىستەمەلىك جيىن بارىسىندا رف اسكەري-عارىشتىق قورعانىس اسكەري اكادەمياسى مەن رف اعك ورتالىق عىلىمي-زەرتتەۋ ينستيتۋتىنىڭ باستىقتارى دوستاستىق ەلدەرى قارۋلى كۇشتەرىنىڭ اۋە شابۋىلىنا قارسى قورعانىس اسكەرلەرىنىڭ قولباسشىلارى تالقىلاعان اۋە شابۋىلىنا قارسى قورعانىس جۇيەسىن قۇرۋ سالاسىنداعى زەرتتەۋلەردى ۇسىندى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار