ANTIKOR • 13 ءساۋىر، 2021

قوستانايدا جاۋاپتى ورىندار جەمقورلىقتى اشكەرەلەۋگە ەنجارلىق تانىتىپ وتىر

39 رەت كورسەتىلدى

قوستاناي وبلىسىنداعى كەيبىر مەملەكەتتىك ورگانداردا سىبايلاس جەمقورلىق تاۋەكەلدەرى انىق بايقالادى. الايدا جاۋاپتى ورىندار مۇنداي فاكتىلەردى انىقتاپ، اشكەرەلەۋگە ەنجارلىق تانىتىپ وتىر. بۇل تۋرالى وبلىس اكىمدىگىندە وتكەن جەمقورلىققا قارسى ءىس-قيمىل ماسەلەلەرى جونىندەگى كوميسسيا وتىرىسىندا وڭىرگە جۇمىس ساپارىمەن كەلگەن سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ كەڭەسشىسى جازيرا جىلقىشيەۆا ءمالىم ەتتى.  

قوستاناي وبلىسىنداعى كەيبىر مەملەكەتتىك ورگانداردا سىبايلاس جەمقورلىق تاۋەكەلدەرى انىق بايقالادى. الايدا جاۋاپتى ورىندار مۇنداي فاكتىلەردى انىقتاپ، اشكەرەلەۋگە ەنجارلىق تانىتىپ وتىر. بۇل تۋرالى وبلىس اكىمدىگىندە وتكەن جەمقورلىققا قارسى ءىس-قيمىل ماسەلەلەرى جونىندەگى كوميسسيا وتىرىسىندا وڭىرگە جۇمىس ساپارىمەن كەلگەن سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ كەڭەسشىسى جازيرا جىلقىشيەۆا ءمالىم ەتتى.  

اگەنتتىك توراعاسى كەڭەسشىسىنىڭ ايتۋىنشا، كەيبىر وڭىرلەردە ىشكى تالداۋلار جۇرگىزۋ بارىسىندا بىردە-ءبىر سىبايلاس جەمقورلىق تاۋەكەلى انىقتالماعان.

- بۇل ەڭ الدىمەن اتالعان مەملەكەتتىك ورگانداردىڭ جەمقورلىق تاۋەكەلدەرىن جويۋعا سالعىرت قاراپ وتىرعاندىعىن جانە ءبىرىنشى باسشىلار مەن جەرگىلىكتى اكىمدەردىڭ جاۋاپكەرشىلىك دەڭگەيىنىڭ تومەندىگىن كورسەتەدى، - دەدى ج. جىلقىشيەۆا.

توراعا كەڭەسشىسى سىبايلاس جەمقورلىققا قارسى زاڭناماداعى جاڭا نورمالاردا جەمقورلىققا جول اشاتىن جاعدايلارعا سالعىرت قاراعان شەنەۋنىكتەردى جاۋاپكەرشىلىككە تارتۋ قاراستىرىلعانىن ءسوز ەتتى.

- جاڭا نورمالار بويىنشا ءبىرىنشى باسشىلار قاراماعىنداعىلاردىڭ سىبايلاس جەمقورلىققا بارعانى ءۇشىن عانا ەمەس، سونىمەن قاتار ءوزى باسقارىپ وتىرعان مەملەكەتتىك ورگانداعى سىبايلاس جەمقورلىققا قاتىسى بار قۇقىق بۇزۋشىلىقتاردىڭ بەلەڭ العانى ءۇشىن دە جاۋاپكەرشىلىككە تارتىلادى. مۇنداي فاكتىلەردى بولدىرماۋ ءۇشىن جاپپاي الدىن الۋدى، سونداي-اق سىبايلاس جەمقورلىق تاۋەكەلدەرىنە ىشكى تالداۋ جۇرگىزۋدى بارىنشا كۇشەيتۋ كەرەك، - دەدى اگەنتتىك توراعاسىنىڭ كەڭەسشىسى.

سونىمەن قاتار، اتالمىش كوميسسيانىڭ وتىرىسىندا مەملەكەتتىك ورگانداردىڭ سىبايلاس جەمقورلىققا قارسى ستراتەگيانى ىسكە اسىرۋ جونىندەگى جوسپارلاردىڭ ورىندالۋ ساپاسى تالقىلاندى. وبلىستاعى ارنايى مونيتورينگتىك توپتىڭ جەتەكشىسى دينارا وتەباەۆانىڭ ايتۋىنشا، وڭىردە بۇل باعىتتا جۇزەگە اسىرىلىپ جاتقان جۇمىستاردىڭ سانى بار بولعانىمەن، ساپاسى ءماز ەمەس.

جيىن سوڭىندا وبلىس اكىمى ارحيمەد مۇحامبەتوۆ مەملەكەتتىك ورگانداردىڭ سىبايلاس جەمقورلىقتىڭ الدىن الۋ بويىنشا جۇمىسىن كۇشەيتۋ قاجەتتىگىنە توقتالىپ، بارلىق دەڭگەيدەگى باسشىلارعا جوعارىدا اتالعان كەمشىلىكتەردى قىسقا مەرزىم ىشىندە جويۋ كەرەكتىگىن جانە سىبايلاس جەمقورلىقتىڭ الدىن الۋ جۇمىستارىن كۇشەيتۋ بويىنشا شارالار كەشەنىن ازىرلەۋدى تاپسىردى.

- جەرگىلىكتى اتقارۋشى ورگاندار قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسى اياسىنداعى ءىس-شارالار جوسپارىن جۇزەگە اسىرۋ جۇمىستارىن جۇيەلى جالعاستىرۋدا. بۇل باعىتتاعى جوسپار 43 تارماقتى قامتيدى. بۇگىندە مەملەكەتتىك قىزمەت كورسەتۋدى تسيفرلاندىرۋ سىبايلاس جەمقورلىققا قارسى قىزمەتتىڭ نەگىزگى باعىتتارىنىڭ ءبىرى بولىپ تابىلادى. ماسەلەن، 2020 جىلى «Adaldyq alańy» جوباسى بويىنشا مەملەكەتتىك قىزمەتتەردى تسيفرلاندىرۋ دەڭگەيى 90%-عا،  حالىقارالىق ستاندارت بويىنشا 92%-عا جەتكەنىن اتاپ وتكىم كەلەدى. قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىنىڭ ءىس-شارالار جوسپارىن ىسكە اسىرۋ اياسىنداعى جۇمىستاردى جالعاستىرۋدى تاپسىرامىن، - دەدى ءوڭىر باسشىسى.

قوستاناي وبلىسىنا 12 ساۋىردە جۇمىس ساپارىمەن كەلگەن سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى دميتري مالاحوۆ باستاعان جۇمىس توبى ءتورت كۇن بويى ءوڭىردى ارالاپ، اۋقىمدى ءتۇسىندىرۋ جۇمىستارىن جۇرگىزەدى. ساپار بارىسىندا جۇرتشىلىقپەن، ۇجىمدارمەن كەزدەسۋ، ازاماتتاردى قابىلداۋ جوسپارلانعان. جۇمىس قورىتىندىسى بويىنشا مەملەكەتتىك ورگاندار مەن قوعامدىق ۇيىمداردىڭ سىبايلاس جەمقورلىقتىڭ الدىن الۋ جونىندەگى قىزمەتىن جەتىلدىرۋ جونىندە ۇسىنىمدار ازىرلەنەتىن بولادى.

 

قوستاناي وبلىسى

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار