قۇجات ەاەو نارىعىندا مىندەتتى تالاپتاردى بەلگىلەيتىن بىرىڭعاي تىزىمگە ەنبەگەن ونىمدەردىڭ, سونداي-اق بىرىڭعاي تىزبەگە ەنگىزىلگەن, بىراق ولار ءۇشىن وداقتىڭ تەحنيكالىق رەگلامەنتتەرى قابىلدانباعان تاۋارلاردىڭ اينالىمىن رەتتەۋگە ارنالعان. بۇگىنگى كۇنى مۇنداي ونىمدەر ەاەو نارىعىنىڭ شامامەن 15% قۇراپ وتىر.
ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسى بارىسىندا سەنات دەپۋتاتى ءلاززات رىسبەكوۆا ەاەو-عا مۇشە مەملەكەتتەردىڭ زاڭناماسىنا سايكەس وسىنداي ونىمدەردىڭ شىعارىلۋى مەن ولاردىڭ اينالىمىنا جاۋاپكەرشىلىك بەلگىلەنەتىندىگىن ايتتى.
ء«ونىمنىڭ قاۋىپسىزدىگىن جەكە كاسىپكەر رەتىندە تىركەلگەن جەكە جانە زاڭدى تۇلعالار قامتاماسىز ەتەدى. ونىڭ ىشىندە ەاەو مۇشە-مەملەكەتتەرىنىڭ زاڭناماسىنا سايكەس ءومىر ءسۇرۋ تسيكلدارىنىڭ بارلىق ساتىسىندا ءونىمدى شىعارىپ, ساتاتىن وندىرۋشىلەر, ساتۋشىلار جانە يمپورتتاۋشىلار دا بار», دەدى سەناتور ءلاززات رىسبەكوۆا.
ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى زاڭ جوباسىن پالاتاعا ۇسىندى.
