قوعام • 12 ءساۋىر، 2021

ارقالىقتا ەرەكشە قاجەتتىلىكتەرى بار بالالارعا ارنالعان ينكليۋزيۆتى ورتالىق اشىلدى

20 رەت كورسەتىلدى

پرەزيدەنت ق.توقاەۆ باستاماشىلىق ەتكەن يگى ىستەر مارافونى اياسىندا ارقالىقتا پسيحولوگيالىق-پەداگوگيكالىق تۇزەتۋ كابينەتى (پپتك) جانە ءبىلىم بەرۋدە ەرەكشە قاجەتتىلىگى بار بالالارعا ارنالعان ينكليۋزيۆتى ءبىلىم بەرۋ رەسۋرستىق ورتالىعى اشىلدى، دەپ حابارلايدى Egemen.kz.

قوستاناي وبلىسى ءبىلىم باسقارماسىنىڭ مالىمەتىنشە، ارقالىق قالاسىندا ەرەكشە ءبىلىم بەرۋ قاجەتتىلىكتەرى بار 560-تان استام بالا تۇرادى، ونىڭ ىشىندە 118 بالا مۇگەدەك. سونىمەن قاتار بۇگىنگى تاڭدا ەرەكشە بالا مامانداردىڭ تەگىن كومەگىن الا الاتىن ارنايى ۇيىمداردىڭ جەلىسى جەتكىلىكسىز. ارقالىق قالاسىنىڭ وزىندە 376 بالا ارنايى مامانداردىڭ كاسىبي كومەگىنە مۇقتاج.

مامانداردىڭ ۋاقتىلى جانە بىلىكتى كەڭەستەرى مەن كومەگى ءومىردى جاقسى جاققا وزگەرتە الادى جانە كەز-كەلگەن بالانىڭ، اسىرەسە مۇمكىندىگى شەكتەۋلى بالانىڭ لايىقتى جانە تابىستى بولاشاعىنا مۇمكىندىك بەرەدى.

«جاڭا پپتك ەمدىك دەنە شىنىقتىرۋمەن اينالىسۋعا ارنالعان كەشەندەر، مونتەسسوري بولمەسى، ديداكتيكالىق جانە كورنەكى ماتەريالدار، دامىتۋشى جانە ادىستەمەلىك ادەبيەتتەر، سونداي-اق بالانىڭ دامۋىنا كەشەندى باعالاۋ جۇرگىزۋگە جانە وتكىزىلەتىن ساباقتاردىڭ تيىمدىلىگىنە مونيتورينگ جۇرگىزۋگە مۇمكىندىك بەرەتىن باعدارلامالىق قامتاماسىز ەتۋ سىندى قاجەتتى زاماناۋي جابدىقتارمەن قامتاماسىز ەتىلگەن»، دەدى «دارا» قورىنىڭ وكىلى ساۋلە بەكسۇلتانوۆا.

ورتالىقتا دەفەكتولوگ، پسيحولوگ، لوگوپەد، تيفلوپەداگوگ، ەدش نۇسقاۋشىسى، الەۋمەتتىك پەداگوگ سياقتى ماماندار جۇمىس ىستەيدى.

«پسيحولوگيالىق-پەداگوگيكالىق تۇزەتۋ كابينەتىنىڭ قىزمەتى تەگىن كورسەتىلەدى. تۇزەتۋ كومەگى كۋرسى 3 ايدان ءبىر جىلعا دەيىن سوزىلادى، قاجەت بولعان جاعدايدا كۋرستى ۇزارتۋعا بولادى. مۇنداي كابينەت جىلىنا ەرەكشە ءبىلىم بەرۋ قاجەتتىلىكتەرى بار 150 بالاعا قىزمەت كورسەتە الادى. مۇنداي ورتالىقتاردىڭ ەرەكشە بالا ءوسىپ كەلە جاتقان وتباسىلار ءۇشىن قولجەتىمدى بولۋى وتە ماڭىزدى. سوندىقتان «سامۇرىق-قازىنا» اق كومپانيالار توبىنىڭ قولداۋىمەن ولار تەك وبلىس ورتالىقتارىندا عانا ەمەس، شاعىن ەلدى مەكەندەردە دە اشىلۋدا»، دەپ «قازپوچتا» اق وكىلى - ارقالىق قالاسى پوشتا بايلانىسى تورابىنىڭ باستىعى ۇلان جانزاقوۆ اتاپ ءوتتى.

سونىمەن قاتار ءدال وسى كۇنى ا. قۇنانباەۆ اتىنداعى مەكتەپ-گيمنازياسى بازاسىندا ينكليۋزيۆتى ءبىلىم بەرۋدىڭ رەسۋرستىق ورتالىعى دا اشىلدى. ينكليۋزيۆتى ءبىلىم بەرۋدىڭ رەسۋرستىق ورتالىعى - بۇل وقۋ پروتسەسىندە ينكليۋزيا قاعيداتتارىن ىسكە اسىرۋدا مۇعالىمدەرگە كومەك كورسەتۋ جانە ەرەكشە ءبىلىم بەرۋ قاجەتتىلىكتەرى بار بالالارعا سىنىپتا جانە مەكتەپتە كەدەرگىسىز ورتا قالىپتاستىرۋ ءۇشىن قۇرىلعان مەكتەپ كەڭىستىگىنىڭ ءبىر بولىگى.

ايتا كەتەيىك، «دارا» قورى 2016 جىلدان باستاپ قوستاناي وبلىسىندا ء«ار الۋان – بىراق تەڭ: قازاقستاندا ينكليۋزيۆتى قوعام قۇرۋ» جوباسىن جۇزەگە اسىرۋدا جانە وسى ۋاقىت ارالىعىندا قوستاناي قالاسىندا جالپى ءبىلىم بەرەتىن مەكتەپ بازاسىندا اشىلعان پسيحولوگيالىق-پەداگوگيكالىق تۇزەتۋ كابينەتى مەن كوزى كورمەيتىن جانە ناشار كورەتىن بالالارعا ارنالعان سىنىپ اشىلىپ، قازىرگى تاڭدا تابىستى جۇمىس ىستەۋدە.

«Samruk-Kazyna Trust» قورىنىڭ قولداۋىمەن بۇكىل قازاقستان بويىنشا جالپى سانى 15 تۇزەتۋ كابينەتى جانە 16 رەسۋرستىق ورتالىق اشىلدى.  

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار