مەديتسينا • 07 ءساۋىر، 2021

كوروناۆيرۋسقا قارسى جاپپاي ۆاكتسيناتسيالاۋ جالعاسۋدا – ا.تسوي

97 رەت كورسەتىلدى

قازاقستان رەسپۋبليكاسىندا كۆي-عا قارسى جاپپاي ۆاكتسيناتسيالاۋ جالعاسۋدا. ورتالىق كوممۋنيكاتسيالار قىزمەتىندە وتكەن بريفينگتە دەنساۋلىق ساقتاۋ ءمينيسترى الەكسەي تسوي ءمالىم ەتكەندەي، 1 ساۋىردەن باستاپ ۆاكتسيناتسيالاۋعا جاتاتىن ادامداردىڭ ساناتتارى كەڭەيتىلدى. بۇل رەتتە كەستەلەردى جەرگىلىكتى اتقارۋشى ورگاندار جاسايدى، دەپ حابارلايدى Egemen.kz.

«بۇگىنگى كۇنى ءبىرىنشى كومپونەنتپەن 217 070، ەكىنشى كومپونەنتپەن – 79 541 ازامات ەگىلدى. رەسپۋبليكا بويىنشا 1000 تۇرعىنعا شاققاندا كورسەتكىش – 11،5 قۇرادى. ونىڭ ىشىندە مەديتسينا قىزمەتكەرلەرى – 40%، پەداگوگتار – 17%، كۇش قۇرىلىمدارى قىزمەتكەرلەرى – 7،7%، ءجوب پەرسونالى مەن كونتينگەنتى – 0،5%، باسقالارى – 34%. ۆاكتسيناتسيالانعانداردىڭ 0،8%-ىندا كاتارالدى سيندروم، دەنە تەمپەراتۋراسىنىڭ جوعارىلاۋى، جەرگىلىكتى رەاكتسيا تۇرىندە ۆاكتسيناتسيادان سوڭ كەزىگەتىن رەاكتسيا بايقالدى»، دەدى ا. تسوي.


سونىمەن قاتار، اقپاراتقا سايكەس ساۋىردە ۆاكتسينانىڭ 2 ملن دوزاسى جەتكىزىلەدى دەپ جوسپارلانعان. جالپى، وسى ايدا ءتيىستى كونتينگەنتتىڭ 23،4%-ىن قامتۋ كوزدەلگەن. 


«قازاقستاندا وندىرۋشىلەرمەن جۇرگىزىلگەن كەلىسسوزدەردى ەسكەرە وتىرىپ، ءبىرىنشى جارتىجىلدىقتا 6 ملن-نان استام ۆاكتسينا دوزاسىن قابىلداۋ جوسپارلانۋدا، بۇل ءتيىستى كونتينگەنتتىڭ 64%-ىن قامتۋعا مۇمكىندىك بەرەدى. بۇل كولەم كۆي-عا قارسى ۆاكتسيناتسيالاۋعا جاتاتىن كونتينگەنتتى جانە وتەۋسىز نەگىزدە ۆاكتسيناتسيالاۋعا نيەت بىلدىرگەن ادامداردىڭ قولجەتىمدىلىگىن بارىنشا كەڭەيتۋگە مۇمكىندىك بەرەدى»، دەپ اتاپ ءوتتى مينيستر.


ۇيىمداستىرىلعان ۇجىمداردا جانە ادامدار كوپ جينالاتىن جەرلەردە ۆاكتسيناتسيا جۇرگىزۋ ءۇشىن الماتى قالاسىنداعىداي جىلجىمالى ەگۋ پۋنكتتەرى ىسكە قوسىلاتىن بولادى.

سوڭعى جاڭالىقتار

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار