كورمەنى «مادەنيەت ارقىلى ۇنقاتىسۋ» حالىقارالىق جوباسى اياسىندا ەلباسى كىتاپحاناسى مەن اۋعانستان يسلام رەسپۋبليكاسىنىڭ ەلشىلىگى بىرلەسىپ ۇيىمداستىرىلدى.
اۋعان كالليگرامماسى كالليگرافيانىڭ اجىراماس بولىگى بولىپ تابىلادى. ول – بەينەلەۋ ونەرىنىڭ ەرەكشە باعىتى, ونىڭ ەڭ ۇلكەن دامۋى مۇسىلمان مادەنيەتىندە بايقالادى. ءاربىر كالليگرامما بەلگىلى ءبىر بەينە مەن مازمۇندى بىرىكتىرەدى. سۋرەتشىنىڭ باستى مىندەتى رۋحاني الەمدى بەينەلەرمەن بايلانىستىرىپ, بۇل بايلانىستى تۋىندى بەتىنە تۇسىرۋدە. تۋىندىلاردىڭ تەرەڭ سيمۆوليكاسى كالليگرامما اۆتورىنىڭ يدەياسىن سەزىنۋگە مۇمكىندىك بەرەدى.
«اۋعان ونەرىنىڭ سىيى» كورمەسىندە فاريادي موحامماد ماسۋدتىڭ كوپتەگەن جىلدار بويى دايىنداعان جۇمىستارى ۇسىنىلادى. سۋرەتشى كاسىبي جانە شىعارماشىلىق ءومىرىن كالليگرافيا ونەرىنە ارناعان. اۆتوردىڭ جۇمىستارى اۋعانستانداعى, يرانداعى, سونداي-اق كاتار مەن كۋۆەيت امىرلەرىندەگى كورمەلەردە كورسەتىلگەن.
فاريادي موحامماد ماسۋد 1973 جىلى اۋعانستان استاناسى كابۋلدا دۇنيەگە كەلگەن. بالا كەزىنەن باستاپ شەبەر ءوز ەلىندە دە, شەكارادان تىس جەرلەردە دە كوپتەگەن ماراپاتتارعا يە بولدى. سۋرەتشى اقپارات جانە مادەنيەت مينيسترلىگىنىڭ, اراب ەلدەرىنىڭ پرەزيدەنتتەرى مەن بيلەۋشىلەرىنىڭ ديپلومدارىمەن ماراپاتتالعان.
«اۋعان ونەرىنىڭ سىيى» كورمەسى ەلباسى كءىتاپحاناسى مەن قازاقستان رەسپۋبليكاسىنداعى اۋعانستان يسلام رەسپۋبليكاسى ەلشىلىگى اراسىنداعى ىنتىماقتاستىقتىڭ العاشقى ءىس-شاراسى بولىپ تابىلادى. كورمەنىڭ رامازان ايى قارساڭىندا اشىلۋى بۇل وقيعانىڭ ءمانىن تەرەڭدەتە تۇسەدى.
