قازاقستان • 30 ناۋرىز، 2021

ۇبت-نى ەكى اپتاعا توقتاتا تۇرۋ تۋرالى جالعان اقپارات تارالۋدا

34 رەت كورسەتىلدى

قازنەتتە وسى جىلدىڭ 30 ناۋرىزىنان باستاپ بۇكىل ەل بويىنشا ۇلتتىق بىرىڭعاي تەستىلەۋدى تاپسىرۋ پروتسەسى ەكى اپتاعا توقتاتىلاتىنى تۋرالى حابارلاما تارادى. بۇل – جالعان اقپارات، دەپ حابارلادى stopfake.kz.

قر بعم ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ 30 ناۋرىزدان باستاپ ۇبت-نى كەيىنگە قالدىرۋ تۋرالى قاۋەسەتتى جوققا شىعاردى.

– ءيا، بۇل فەيك. تۇلەكتەر كۆي جۇعۋى مۇمكىن دەپ قاۋىپتەنسە، ۇبت-دان باس تارتۋ تۋرالى ءوتىنىش جازا الادى، ءبىز ولارعا اقشانى قايتارىپ بەرەمىز. جالپى، تەست تاپسىرعىسى كەلەتىندەر ونى قازىر نەمەسە شىلدە-تامىز ايلارىندا تاپسىرادى، نە بولماسا ودان باس تارتىپ، اقشاسىن تولىق قايتارىپ الادى. بىراق ۇبت وتكىزىلمەي قالمايدى، – دەدى ول.

بيىل ۇبت-نىڭ ناۋرىز ايىنداعى كەزەڭى العاش رەت ء«بىر تەستىلەنۋشى – ءبىر كومپيۋتەر – ءبىر كامەرا» قاعيداتى بويىنشا ەلەكتروندىق فورماتتا وتكىزىلەدى. تەستىلەۋ 10 ناۋرىز بەن 10 ءساۋىر ارالىعىندا ۇيىمداستىرىلادى. وعان بيىلعى جانە وتكەن جىلدارداعى ورتا ءبىلىم بەرۋ مەكەمەلەرىنىڭ تۇلەكتەرى، شەتەلدىك ورتا ءبىلىم بەرۋ مەكەمەلەرىنىڭ تۇلەكتەرى، سونداي-اق الدىڭعى تەستىلەۋ كەزىندە جوو-عا تەگىن نەگىزدە قابىلداۋ ءۇشىن شەكتى بالل جيناماعان نەمەسە ناتيجەلەرى جويىلعان ادامدار قاتىسا الادى.

سوڭعى جاڭالىقتار

وسكەمەندە 5 كولىك سوقتىعىستى

ايماقتار • بۇگىن، 19:15

باس سانيتاردىڭ جاڭا قاۋلىسى شىقتى

قازاقستان • بۇگىن، 14:22

ۇقساس جاڭالىقتار