«تابيعي سيپاتتاعى توتەنشە جاعدايدى جويۋ ماقساتىندا اۋدان اكىمىنىڭ وكىمىمەن ارنايى جەدەل شتاب قۇرىلدى. قازىر كەزەكشىلىك ۇيىمداستىرىلىپ, جەدەل شتاب اۋدانداعى كۇشتىك قۇرىلىمدار مەن تەحنيكالار جۇمىلدىرىلدى. تۇرعىن ۇيلەردىڭ اۋلاسىنا جينالعان سۋدى ارنايى تەحنيكالارمەن سورۋ جۇمىستارى جۇرگىزىلۋدە. قاۋىپ ءتونىپ تۇرعان تۇرعىن ۇيلەردىڭ اينالاسىنا توپىراق سالىنعان قاپشىقتارمەن بوگەتتەر قويىلىپ جاتىر» دەيدى جاراس ەسەنعاليەۆ.
وبلىستىق توتەنشە جاعدايلار دەپارتامەنتى ءباسپاسوز قىزمەتى ۇسىنعان اقپاراتقا سۇيەنسەك, 25 ناۋرىزدا نوسەر جاڭبىردان كەيىن اقتوبە وبلىسىنان باستاۋ الاتىن نوعايتى وزەنىندە سۋ دەڭگەيى كوتەرىلگەن. وزەن ارناسى تولىپ, «اقتوبە-اتىراۋ» جولىنىڭ 341-ءشى شاقىرىمىنداعى كوپىردى سۋ باسقان.
«قازاۆتوجول» مەكەمەسىنىڭ مەردىگەرى «شانحاي كونستراكشن گرۋپپ كوو لتد» جشس-نەن 3 ساموسۆال, 2 جۇك تيەگىش, 1 ەكسكاۆاتور تارتىلىپ, ۋاقىتشا سالىنعان اينالما كوپىرگە 100 توننا توپىراق, 160 توننا قيىرشىق تاس توگىلدى. كوپىرگە كەلەتىن سۋدى ەكى جاعىنان بوگەۋ جۇرگىزىلدى. قازىر بۇزىلعان كوپىردى قالپىنا كەلتىرۋ جالعاسىپ جاتىر. ساعىز ەلدى مەكەنىندەگى 1329 تۇرعىن ءۇيدى سۋ باسۋ قاۋپى تونگەن جوق» دەپ حابارلادى دەپارتامەنتتىڭ ءباسپاسوز قىزمەتىنەن.
