فوتو: akmaralalnazarova, ينستاگرام
ناۋقاستاردى تاسىمالداۋ ۇلتتىق شۇعىل مەديتسينانى ۇيلەستىرۋ ورتالىعىنىڭ مەديتسينالىق اۆياتسياسى ارقىلى جۇزەگە استى. ءبىر رەيسپەن جەتكىزىلگەن پاتسيەنتتەردىڭ جاعدايى كۇردەلى بولعان.
اتاپ ايتقاندا, 1966 جىلى تۋعان ەر ادامعا تىنىس الۋ جەتكىلىكسىزدىگى جانە وتكىر وكپە ىسىگى دياگنوزى قويىلعان, ول الانيا قالاسىنان جەتكىزىلدى. ال 2019 جىلى تۋعان بالادا مي قاتەرلى ىسىگى انىقتالعان, ول ستامبۋل قالاسىنان ەلگە اكەلىندى.
ءمينيستردىڭ مالىمەتىنشە, تاسىمالداۋ بارىسىندا مەديتسينالىق اۆياتسيانىڭ موبيلدىك بريگاداسى جوعارى كاسىبيلىك تانىتتى. قۇرامىندا دارىگەرلەر بايمىشەۆ داۋرەن مەن يسماعۇلوۆا رايحان, سونداي-اق فەلدشەرلەر توقتىباەۆ اسىلبەك پەن قۇنداقباەۆ ەرۋلان بولعان توپ ناۋقاستاردىڭ جاعدايىن تۇراقتى باقىلاۋدا ۇستاپ, قاۋىپسىز جەتكىزۋدى قامتاماسىز ەتتى.
سونىمەن قاتار اۋە كەمەسى ەكيپاجىنىڭ ۇيلەسىمدى جۇمىسى دا وپەراتسيانىڭ ءساتتى وتۋىنە ىقپال ەتتى. ناتيجەسىندە ەكى ناۋقاس قازاقستانعا دەر كەزىندە جەتكىزىلىپ, ءارى قاراي ەم قابىلداۋعا مۇمكىندىك الدى.
ساناۆياتسيا تايلاندتا كومادان ويانعان قازاقستاندىقتى ەلگە الىپ كەلۋدەن باس تارتتى
