ونىڭ ايتۋىنشا, قازىرگى تاڭدا ەلدە قاۋىپسىزدىك پەن زاماناۋي ساپا تالاپتارىنا ساي كەلەتىن قان قىزمەتىنىڭ ورتالىقتاندىرىلعان جانە ستاندارتتالعان جۇيەسى قالىپتاسقان. رەسپۋبليكا بويىنشا 19 قان قىزمەتى ۇيىمى جۇمىس ىستەيدى: ونىڭ ىشىندە 2 رەسپۋبليكالىق, 15 وبلىستىق جانە 2 قالالىق مەكەمە بار.
قان كومپونەنتتەرىنىڭ قاۋىپسىزدىگى مەن ساپاسىن قامتاماسىز ەتۋ ءۇشىن دونور قانىن ەكى كەزەڭدى تەكسەرۋ جۇيەسى ەنگىزىلگەن, سونداي-اق ونى وڭدەۋدىڭ زاماناۋي ادىستەرى قولدانىلادى. ينفەكتسيالىق جانە يممۋنولوگيالىق قاۋىپسىزدىككە باقىلاۋ كۇشەيتىلگەن.
دەنساۋلىق ساقتاۋ مينيسترلىگى 2028 جىلعا دەيىنگى قان دونورلىعىن دامىتۋ جوسپارىن ازىرلەپ جاتىر. بۇل جوسپار مەديتسينالىق قىزمەتتەر تىزبەسىن كەڭەيتۋدى, سونىڭ ىشىندە گەموپوەتيكالىق ءدىڭ جاسۋشالارىن ترانسپلانتاتسيالاۋ باعىتتارىن قامتيدى.
سونىمەن قاتار, 2026-2028 جىلدارعا ارنالعان بيۋدجەت اياسىندا دونورلارعا بەرىلەتىن تەگىن تاماقتىڭ اقشالاي وتەماقىسىن ۇلعايتۋ ماسەلەسى پىسىقتالىپ جاتىر.
سولتۇستىك قازاقستاندا دونور ءۇش پاتسيەنتتىڭ ءومىرىن ساقتاپ قالدى
پرەمەر-مينيستر «قۇرمەتتى دونور» ۆەدومستۆولىق ناگراداسىن قايتا ەنگىزۋ ءۇشىن توسبەلگىنىڭ جاڭا نوبايى ازىرلەنىپ, ءتيىستى زاڭنامالىق وزگەرىستەر دايىندالعانىن دا اتاپ ءوتتى.
ايتا كەتەيىك, قازاقستاندا جىل سايىن 180 مىڭنان استام ازامات دونور اتانىپ, جالپى سانى 250 مىڭنان استام رەت قان جانە ونىڭ كومپونەنتتەرىن تاپسىرادى.
