فوتو: اشىق دەرەككوز
دەگەنمەن, 5 قالادا باعالار تومەندەدى: شىمكەنتتە −2.6% (ەڭ ەلەۋلى قۇلدىراۋ), اقتوبە −1.7%, پەتروپاۆل −1.4%, اتىراۋ −1.3%, تۇركىستان −0.3%. قوستانايدا وزگەرىس جوق – باعالار اقپان ايى دەڭگەيىندە قالدى.
Krisha.kz كومپانياسىنىڭ وففلاين-ساتۋ ءبولىمىنىڭ جەتەكشىسى يمران وسمانوۆ باعالاردىڭ ءوسۋىن ماۋسىمدىق بەلسەندىلىك پەن ساتۋشىلاردىڭ ەموتسيونالدى كۇتكەن ۇمىتىمەن بايلانىستىرادى. ونىڭ ايتۋىنشا, ۇسىنىس باعالارى نارىق كۇتەرىنەن ءجيى جوعارى بولىپ كەلەدى. سونىمەن بىرگە ناقتى مامىلەلەردە باعا ورتا ەسەپپەن 3-7% تومەندەتىلۋى مۇمكىن.
ناۋرىز قورىتىندىسى بويىنشا ەلدەگى پاتەرلەردىڭ ورتاشا شارشى مەترى 421 950 تگ/كۆ. م, بۇل اقپانمەن سالىستىرعاندا 0.4% كوپ. ەڭ قىمبات قالالار: الماتى – 822 955 تگ/كۆ. م, استانا – 612 348 تگ, شىمكەنت – 478 815 تگ. ەڭ قولجەتىمدىلەر: قىزىلوردا – 271 538 تگ/كۆ. م, اقتوبە – 316 813 تگ, تاراز – 321 373 تگ.
جىل باسىنان بەرى باعا ورتا ەسەپپەن 2.5% ءوستى, ال كوشباسشىلار: استانا +7%, كوكشەتاۋ +5.1%, سەمەي +4.8%, الماتى +2.2%. باعا تومەندەگەن قالالار: اقتوبە − 2.6% جانە اتىراۋ − 0.8%.
جىل بويىنداعى ديناميكاعا كەلسەك, ناۋرىز ايىنا دەيىنگى كەزەڭدە بارلىق قالالاردا باعا وسكەن. ەڭ ايقىن ءوسىم: استانا +15.9%, قاراعاندى +12.8%, پاۆلودار, قوستاناي, سەمەي, تالدىقورعان +10 – 10.7%. الماتى مەن شىمكەنتتە تيىسىنشە 7.9% جانە 7.5%. ەشبىر قالادا باعا تومەندەگەن جوق, ال قازاقستان بويىنشا ءوسىم 7.2% قۇرادى.
ەگەر ناقتى پاتەردىڭ باعا تاريحىن قاراعىڭىز كەلسە, Krisha Plus سەرۆيسى ارقىلى وزگەرىستەر گرافيگىن كورىپ, پاتەردىڭ قانشا ۋاقىت ساتىلىمدا تۇرعانىن جانە ساتۋشىمەن كەلىسسوز جۇرگىزۋ مۇمكىندىگىن باعالاۋعا بولادى.
ەلىمىزدە تۇرعىن ءۇيدى جالعا الۋ باعاسى ءوستى. باسپانا قاي ايماقتا قىمباتقا تۇسەدى؟
