قازاقستان بيوالۋانتۇرلىلىكتى ساقتاۋ قاۋىمداستىعىنىڭ مالىمەتىنشە, مامىر ايىنىڭ ورتاسىندا قۇلان انالىقتارىنىڭ ءبىرى ق ۇلىنداعان.
«بۇل انالىق وتكەن جىلدىڭ قىركۇيەگىندە «التىن-ەمەل» ۇلتتىق پاركىنەن جەتكىزىلگەن توپپەن بىرگە كەلگەن بولاتىن. جاز مەزگىلىندە ولاردىڭ بارلىعى – 20 قۇلان قوستاناي وبلىسىنىڭ وڭتۇستىگىندەگى «التىن دالا» مەملەكەتتىك تابيعي رەزەرۆاتىنىڭ اۋماعىنا جىبەرىلەدى», - دەلىنگەن قاۋىمداستىق حابارلاماسىندا.
قۇلانداردىڭ سانى قانشاعا جەتتى؟
سوڭعى بەس جىلدا قازاقستان بيوالۋانتۇرلىلىكتى ساقتاۋ قاۋىمداستىعى ورتالىعى ماماندارىنىڭ باقىلاۋىنداعى ارنايى قورشاۋدا تۋعان بۇل ءۇشىنشى ق ۇلىن. سونىمەن قاتار, جابايى تابيعاتتا تۋعان تاعى كەمىندە ءتورت ق ۇلىن تۋرالى مالىمەت بار.
